Santi Gegunde: “Non terei ningún problema para xogar este domingo”

30 de Maio de 2018
Santi Gegunde na rolda de prensa coa camiseta de Peregrinando Cara Un Soño.
Santi Gegunde na rolda de prensa coa camiseta de Peregrinando Cara Un Soño.
  • O lucense explicou que o equipo encara con ilusión esta segunda eliminatoria

Santiago de Compostela, a 30 de Maio de 2018.

Pasaron xa tres días desde a derrota na Cidade Deportiva Dani Jarque e a SD Compostela xa só ten na cabeza a nova eliminatoria do playoff de ascenso. Este domingo ás 18.00 horas no Estadi Olímpic de Terrassa iniciarán a segunda fase da postemporada contra o Terrassa FC, cuarto clasificado no grupo 5 da Terceira División, nunha rolda que esperan superar para volver loitar por subir de categoría.

Un dos xogadores que agardan con máis ansia este encontro é Santi Gegunde. O lucense, que se perdeu a ida contra o RCD Espanyol B por culpa dunha escordadura de nocello, puido xogar 30 minutos o domingo pasado, polo que quere volver retomar sensacións dentro do campo.

“Esta semana espero adestrar con normalidade para estar a fin de semana, xa que o domingo xoguei 30 minutos e non notei ningunha molestia, aínda que si saín cunha vendaxe por precaución”, sinalou o dianteiro.

A entrada no terreo de xogo de Santi coincidiu cos mellores momentos do Compostela na Cidade Deportiva, unhas sensacións que lles permitiron dixerir mellor a eliminación na eliminatoria de campións. “Tiñamos moitas ilusións, pero empezamos moi mal e iso acabou pesando, porque ao final acabamos ben e sometemos a un dos tres mellores equipos da categoría. Así, na comida pasámolo moi mal, pero pola tarde, falando entre nós, xa retomamos a ilusión para o que queda por diante”, comentou o lucense.

Co comezo da nova semana, o equipo coñeceu o seu novo rival, un novo conxunto da liga catalá, unha circunstancia á que non temen. “É un desprazamento longo, pero en avión faise máis cómodo”, sinalou. Ademais, Santi engadiu que cren nas súas posibilidades, xa que, se foron capaces de someter a todo un Espanyol B, por difícil que sexa o rival, poderán facelo con calquera.

Así, tras o descanso dun día, arrincan os adestramentos coa ilusión de traer un resultado positivo de Barcelona e rematar a faena en San Lázaro. “Temos que encarar o partido con ganas, ir xuntos, gozar da viaxe, e chegar ao partido dunha maneira positiva”, analizou

En canto ao rival, o Terrassa FC, Santi compárao co Compos tras as súas primeiras pescudas. “É un equipo similar ao noso, histórico, que mete bastante xente, con 3.000 persoas no playoff, e que ten as mesmas posibilidades que nós, porque nós alí sufriremos o campo de herba artificial, pero eles aquí pasaralles o mesmo nun de natural, terreos que non abundan na súa liga”, detallou o dianteiro.

Precisamente, sobre o céspede do Olímpico, saben que non está nas súas mellores condicións, pero agradecen que sexa un campo de grandes dimensións. “Haberá que ter coidado en fase de iniciación, pero de mediocampo para arriba poderemos utilizar o noso xogo, facer dano cos nosos xogadores, e tentar marcar algún gol”, argumentou.

A clave pasa, segundo Santi, por marcar un tanto fóra de casa. “Somos un conxunto que adoitamos marcar fóra e traendo un bo resultado aquí podemos matalos, porque na segunda volta fomos moi sólidos defensivamente en San Lázaro e metemos gol na maioría dos encontros”, concluíu.

Youtube

Instagram Compos

Flickr Amadeo Rey

  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0

Instagram Canteira

Twitter Canteira

Facebook

1 day ago

SD Compostela
⌚️ CONFIRMADO O HORARIO DA NOSA SEGUINTE SAÍDA NA LIGA! 🩵🤍⚽️ X26🆚 Real Valladolid C.F. S.A.D B🗓️ 10.03.24⏰ 12.00🏟️ Anexos Estadio José Zorrilla#ValladolidBCompos ... See MoreSee Less
Ver en Facebook

2 days ago

SD Compostela
🩵🤍 A POLA VITORIA NA CASA PARA SEGUIR EN POSTOS DE PLAYOFF🆚 RS Gimnástica🗓️ 03.03.24⏰ 16.45🏟️ Estadio Vero Boquete🤝 𝐏𝐚𝐭𝐫𝐨𝐜𝐢𝐧𝐚 BALRIAL Santiago 🎟️ Entradas Online 👉 app.cluber.es/clubes/64770af75c3ab340920086/pagos/65d5f6972698d602368403🙌 Recorda que haberá recollida de produtos para o Banco de Alimentos, con acceso gratuíto para todos aqueles que acheguen algún dos produtos citados na lista da Cesta Básica#composgimnástica ... See MoreSee Less
Ver en Facebook

2 days ago

SD Compostela
🎙️ 𝐑𝐝𝐏 | Michel Alonso🗣️ Valoración do técnico branquiazul tralo empate en Vilalba ante o RACING CLUB VILLALBÉS #villalbéscompos ... See MoreSee Less
Ver en Facebook

2 days ago

SD Compostela
🗓️ 𝐏𝐋𝐀𝐍 𝐃𝐄 𝐓𝐑𝐀𝐁𝐀𝐋𝐋𝐎⚒️ O Compos regresa hoxe ao traballo no San Lázaro II⚽️ Cinco adestramentos previstos para preparar a visita da RS Gimnástica ao Vero Boquete#composgimnástica ... See MoreSee Less
Ver en Facebook

3 days ago

SD Compostela
𝐂𝐑Ó𝐍𝐈𝐂𝐀 ✍🤝 O Compos sumou un novo punto en Vilalba tras empatar 0⃣-0⃣ contra o @racingvillalbes🙌 Os nosos seguen en postos de playoff unha semana máis#VillalbésCompos ... See MoreSee Less
Ver en Facebook

All contents © copyright SD Compostela. All rights reserved.