Inicio ilusionante para as categorías inferiores

10 de Setembro de 2018

Resultados 10-09

Santiago de Compostela, a 10 de Setembro de 2018.

Os equipos máis maiores das categorías inferiores da SD Compostela xa están inmersos nas súas respectivas competicións ligueiras. Os conxuntos branquiazuis, que arrincan baixo un novo proxecto coordinado por Víctor Pazos, viviron esta fin de semana as súas primeiras e segundas xornadas de liga, respectivamente, así como algúns encontros amigables nalgúns dos casos. O balance que nos deixou a xornada é de tres triunfos e un empate.

En primeiro lugar, o filial conseguiu a súa primeira vitoria do curso no seu debut en Santa Isabel. O Zona Vella tras notar a falta de acerto na súa primeira xornada, puido lograr os tres primeiros puntos mercé a unha gran defensa e ao solitario gol de Daniel Failde no minuto 68.

Peor sorte tivo o Xuvenil A que debutada na liga Galega medíndose a un dos galos da categoría, o CD Conxo. Nun partido moi disputado, os locais levaron o triunfo por 2-1. Ao descanso o luminoso marcaba un empate a un gol, despois de que Yago Torrente neutralizase a diana en propia porta dos nosos. No segundo acto, cando xa parecía que o empate sería o resultado final, o Conxo rabuñou o triunfo co tanto de Jonathan Vieites.

Tamén sufriu unha derrota, tras gañar na primeira cita do campionato, un Xuvenil B que foi superado por 4-0 polo Milladoiro SD. Pola súa banda, o Xuvenil C, no seu primeiro amigable, logrou un empate a un tanto na súa visita ao Praíña Spc. O goleador branquiazul foi Armando.

En canto ao Cadete A, segue co seu gran comezo ligueiro e sumou a súa segunda vitoria despois de superar ao Cordeiro CF por 4-0. Hugo Pérez, Manu Crespo e o dobrete de Iker Carril, serviron aos nosos para sumar os seis primeiros puntos do campionato. Mentres, o Cadete B caeu derrotado no seu amigable contra o Vitoria FC por 4-3, nun duelo no que marcaron Samuel, Antón e Iago.

Por último, en infantís, o A conquistou o seu primeiro triunfo ao superar ao EF Lalín por catro goles a cero. Jandro, Rubén, Álvaro e Pablo Pío foron os anotadores nesta primeira vitoria da tempada. Á súa vez, o infantil B perdeu no seu amigable contra o Milladoiro SD por 4-3, nunha proba na que viron porta Hugo Vilaseco e Tomás en dúas ocasións.

Youtube

Instagram Compos

Facebook

11 hours ago

SD Compostela
😴🩵🤍 Boas noites, compostelanistas! Unha gran tarde de fútbol e outra gran vitoria na Lomba! A desfrutar!! 😍 #arousacompos ... See MoreSee Less
Ver en Facebook

13 hours ago

SD Compostela
🎙️ Carlos de Lerma | #arousacomposAnálise do técnico do Compos tralo triunfo no derbiO adestrador fixo fincapé na capacidade defensiva do equipo e remarcou que a afección compostelanista foi fundamental para poder conseguir a vitoria ... See MoreSee Less
Ver en Facebook

14 hours ago

SD Compostela
💪 FINAAAAAAAAAAAAALArosa SC 1️⃣-2️⃣ COMPOS⚽️ Roque | Antón GuisandeQUE DERBI E QUE GRAN TRIUNFO 🩵🤍REGRESAMOS Á SENDA DA VITORIA NOUTRO PARTIDAZO 💪💪GRAZAS AFECCIÓN POLO APOIO INCANSABLE 👥🙌📸 Nacho Castaño#arousacompos ... See MoreSee Less
Ver en Facebook

15 hours ago

SD Compostela
⏸️ DESCANSOArosa SC 1️⃣-1️⃣ COMPOS⚽️ RoqueChegamos ao tempo de lecer con igualada tralo gol nos últimos minutos#arousacompos ... See MoreSee Less
Ver en Facebook

16 hours ago

SD Compostela
🔛 COMEZOUArosa SC 🆚️ COMPOS💪🩵🤍#arousacompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.