O filial logra un gran triunfo ante o Montaos

27 de Novembro de 2018

Resultados-26-Novembro

  • Vitoria do Cadete para seguir líder e empate do Xuvenil A, segundo clasificado

Santiago de Compostela, a 26 de Novembro de 2018.

A fin de semana invernal deixounos grandes sensacións no filial branquiazul. O Zona Vella superou ao Montaos por 0-2 e xa marcha terceiro na táboa. Ademais, o Xuvenil A logrou un empate co que se mantén segundo, mentres que o Cadete A resiste no liderado tras vencer ao Dubra. Tamén regresaron á senda triunfal o Xuvenil B, o Alevín B e o Prebenxamín B e houbo dous empates máis.

En primeiro lugar, o Zona Vella colleitou unha gran vitoria por 0-2 ante a Santa Cruz de Montaos, un duro rival ante o que demostraron experiencia. Os branquiazuis mostraron, de novo, unha gran cara en defensa e aproveitaron, no segundo acto, o acerto en área rival. Jorge Castiñeiras puxo en vantaxe aos nosos no 77 e Óscar Juanes sentenciou no desconto. Con este resultado, o filial sobe ao terceiro posto, mellor posición que alcanzan ata o momento, e está a tan só dous do coliderado.

Puido tamén recortar diferenzas co líder un Xuvenil A que, con todo, non puido pasar do empate na casa ante o CD Boiro. Os branquiazuis adiantáronse mediada a segunda metade cun tanto de David Noya pero, nun campo de Cancelas anegado, os visitantes igualaron nos últimos minutos. Con todo, seguen sumando semanas sen perder e manteñen o segundo posto, a tres do EF Lalín.

Pola súa banda, o Xuvenil B regresou á senda triunfal despois de superar por 1-3 ás Escolas Deportivas de Vedra. Tras o empate logrado a fin de semana pasada, os canteiráns conquistaron tres importantes puntos de visitante cunha gran remontada. Os locais adiantáronse no 21 pero, grazas aos goles de Christian Fernández, Juan Amigo e Raúl García, o Compos levou o triunfo final. Por contra, o Xuvenil C volveu caer, esta vez ante o EF Lalín.

Mantén a súa posición privilexiada o Cadete A, líder en solitario do Grupo 5 da Primeira Autonómica. Un único tanto de Iker Carril, como fai quince días, decidiu o duelo entre os branquiazuis e a SD Dubra. Os nosos seguen así invictos, con 37 puntos en trece xornadas. Á súa vez, o segundo equipo descansou esta fin de semana.

En infantís, o A perdeu na casa contra o EFM Boiro, terceiro clasificado por 0-2, malia que mostrou unha gran imaxe ante un moi bo equipo, mentres que o B caeu por 5-0 na súa visita ao Cire Melide, malia que mantén a terceira praza.

En fútbol 8, os equipos alevíns tiveron sorte dispar. O A caeu ante o Conxo por 0-4 e o B venceu 6-0 ao Victoria FC. Igualmente, en benxamíns, o A non conseguiu sumar contra o Villestro, mentres que o B logrou un empate contra o Victoria FC.

En prebenxamíns, o A descansou, pero o B, este luns, triunfou ante as ED Santiago, logrando a súa segunda vitoria en liga. Por último, en biberóns, o A perdeu contra o Victoria e o B empatou ante o Calo e perdeu contra o Fátima, nun partido aprazado das primeiras xornadas.

Youtube

Instagram Compos

Flickr Amadeo Rey

  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2
  • COMPOSTELA- 2 PONTEVEDRA- 2

Instagram Canteira

Twitter Canteira

Facebook

22 hours ago

SD Compostela
🎙️ 𝐑𝐝𝐏 | Pablo Antas 🗣️ O mediocentro tamén falou na previa á visita ao Real Oviedo Vetusta⚽️ O capitán, que volve ao equipo tras sanción, remarcou a necesidade de sumar, tras moito tempo, unha vitoria coma visitantes#VetustaCompos ... See MoreSee Less
Ver en Facebook

24 hours ago

SD Compostela
🎙️ 𝐑𝐝𝐏 | Antón Permuy🗣️ PREVIA antes da visita ao Real Oviedo Vetusta, este sábado, ás 16.00 horas, no Requexón⚽️ O técnico destaca a melloría do equipo e centra o foco en conseguir a vitoria en terras asturianas#VetustaCompos ... See MoreSee Less
Ver en Facebook

4 days ago

SD Compostela
Este sábado, en Oviedo, só vale gañar para poder seguir na pelexa! 🩵🤍🆚 Real Oviedo Vetusta🗓️ 20.04.24⏰ 16.00🏟️ El Requexón 📺 www.youtube.com/@realoviedo#VetustaCompos ... See MoreSee Less
Ver en Facebook

4 days ago

SD Compostela
🗓️ 𝐏𝐋𝐀𝐍 𝐃𝐄 𝐓𝐑𝐀𝐁𝐀𝐋𝐋𝐎⚒️ Tralo gran esforzo de onte, os nosos regresan esta mañá ao traballo centrados no seguinte obxectivo, conseguir a vitoria ante o Real Oviedo Vetusta#VetustaCompos ... See MoreSee Less
Ver en Facebook

All contents © copyright SD Compostela. All rights reserved.