O Cadete A aguanta a presión no liderado

11 de Febreiro de 2019

Resultados-11-Febrero

  • Triunfo ante o Oroso que se uniu aos do filial e aos dos líderes en fútbol 8

Santiago de Compostela, a 11 de Febreiro de 2019.

O Cadete A segue aguantando a presión do Amio e sumou unha nova vitoria en liga para manter o liderado. O triunfo do brillante equipo branquiazul uniuse aos do filial, que recuperou sensacións ante o Touro, o Alevín A e Prebenxamín B, que seguen como primeiros clasificados dos seus respectivos playoff, o Benxamín B e o Biberón.

En primeiro lugar, o Zona Vella sufriu, pero recuperou a senda da vitoria tras superar ao Touro por 3-4. Os santiagueses parecían ter o partido controlado tras os goles de Jean Pierre Leonardo Mina e Diego Crego no primeiro cuarto de hora, pero os locais, tirando de orgullo, viraron o marcador antes do tempo de descanso. Con todo, o filial non se deixou sorprender e remontou no segundo acto por mediación de Jorge Lorenzo, de penalti, e de Anxo García. Estes tres puntos volven situar ao equipo no sétimo lugar.

Peor sorte correron ambos xuvenís, sorprendidos no seu campo polo Dumbría e o Escola Estrada, respectivamente. O Xuvenil A non aproveitou o fallo dos líderes e segue co seu mal fario neste 2019 tras caer por 0-2, baixando deste xeito ao quinto posto da clasificación. Á súa vez, o Xuvenil B, que marchaba invicto no que ía de ano, foi sorprendido na Merced por un conxunto estradense que rendibilizou ao máximo a súa diana á hora de xogo. O mal tempo e a adaptación ao campo provocaron que os nosos non fosen capaces de perforar a meta rival.

En cadetes, non houbo dobrete esta vez, pero si unha vitoria e un empate moi meritorios. O Cadete A, líder invicto ata a data, aguanta o pulso co Amio, despois de tirar de oficio para superar ao sempre complicado Xuventude Oroso. Iker Carril anotou aos cinco minutos de xogo e o marcador xa non sufriu cambios ata o final. Mentres tanto, o Cadete B defendeu á perfección a súa posición na táboa na súa visita ao Cire Melide, o seu inmediato perseguidor, contra o que empatou 3-3. Uxío Figueroa foi o encargado de abrir o marcador, pero ante os tiróns dos locais, os goles de Zubo Yang e de novo de Uxío tiveron a encomenda de igualar o duelo.

O Escola Estrada tamén foi o verdugo de ámbolos dous equipos infantís. O Infantil A, que leva un gran inicio de ano, caeu por 4-1 a pesar de poñerse por diante no luminoso á media hora. O tanto de Anxo Fuentes non foi suficiente, porque os locais remontaron nun segundo acto no que tiveron a sorte de fronte, xa que dous dos seus goles foron en propia porta. E o Infantil B, pelexou ata o final, pero viuse superado por 2-0.

En fútbol 8, o Alevín A segue liderando o seu playoff de descenso logo de superar ao Arzúa nos últimos minutos. Os nosos gañaron por 1-2 e suman xa 9 puntos. Por contra, o Alevín B perdeu en liga contra un potente Bertamiráns.

Outros dous triunfos chegaron na xornada do venres, na que o Benxamín B superou ao Peleteiro, para seguir na parte cómoda da liga, e o Prebenxamín B ao Villestro, mantendo o liderado na segunda fase da competición e deixando en tres unidades a vantaxe co seu rival desta xornada que é o seu inmediato perseguidor. Nesta fase tamén está inmerso o Prebenxamín A, pero no seu caso perdeu contra o Nicrariense.

Por último, o Biberón gañou ao líder, o SR Calo, e igualou con el, ambos con nove puntos, no alto da Segunda División.

Youtube

Instagram Compos

Facebook

14 hours ago

SD Compostela
⏰ HORARIO confirmado para a seguinte xornada 🩵🤍x23 🆚 UM Escobedo 🏟️ Estadio Eusebio Arce🗓️ Domingo, 16 de febreiro🕛 12.00 horas#escobedocompos ... See MoreSee Less
Ver en Facebook

1 day ago

SD Compostela
⚽️ O partido contra o Club Marino de Luanco será benéfico a favor do Banco de Alimentos de Santiago (BALRIAL Santiago)🎟️ Todas as persoas que entreguen produtos non perecedoiros no acceso ao Estadio accederán de balde🙌 Animamos tamén aos abonados a participar nesta iniciativa#composmarino ... See MoreSee Less
Ver en Facebook

2 days ago

SD Compostela
👨‍⚕️ 𝐏𝐀𝐑𝐓𝐄 𝐌𝐄́𝐃𝐈𝐂𝐎⚽️ Diego GonzálezTras Resonancia Magnética, os servizos médicos do club detectaron unha nova rotura no meniscal que require tratamento cirúrxicoO xogador será intervido na maior brevidade posible💪 Moito ánimo, Diego! Volverás máis forte!📸 Nacho Castaño 👨‍⚕️ Dr Adrián Gallego Goyanes - Traumatología Deportiva y Cirugía Ortopédica ... See MoreSee Less
Ver en Facebook

2 days ago

SD Compostela
Hoxe está de aniversario a nosa última fichaxe, 𝐂𝐚𝐫𝐥𝐨𝐬 𝐏𝐞́𝐫𝐞𝐳 🩵🤍🎂 Moitos parabéns, Carlos!⚽️ Benvido a Compostela e que o celebremos con moitos éxitos xuntos#benvidocarlospérez🩵🤍 𝐅𝐈𝐂𝐇𝐀𝐗𝐄💪 Carlos Pérez, novo xogador da SD Compostela!⚽️ O mediapunta chega libre e firma ata final de tempada𝐂𝐚𝐫𝐥𝐨𝐬 𝐏𝐞́𝐫𝐞𝐳 🩵🤍✍️ sdcompostela.com/2025/02/04/carlos-perez-refuerzo-calidad-compos/#BenvidoCarlosPérez ... See MoreSee Less
Ver en Facebook

All contents © copyright SD Compostela. All rights reserved.