Comeza a festa en Vitoria

24 de Maio de 2019

[cs_video column_size=”1/1″ video_url=”https://youtu.be/pU4S1frwJko” video_width=”500″ video_height=”250″][/cs_video]

  • A SD Compostela quere sumar un gran resultado no primeiro duelo do playoff de ascenso

Santiago de Compostela, a 24 de Maio de 2019.

Comeza a festa do playoff e a SD Compostela viviraa en Vitoria-Gasteiz. Os branquiazuis viaxarán mañá a terras vascas para medirse na matinal do domingo ao Deportivo Alavés B, na ida da primeira eliminatoria da promoción de ascenso á Segunda B. Os Campos de Ibaia acollerán un duelo entre dous conxuntos que, ademais de quedar terceiros, comparten a mocidade dos seus planteis.

Neste primeiro duelo, as formulacións de ambos supoñerán unha lixeira incógnita, malia que o corpo técnico santiagués xa realizou os seus deberes e mostrou o tipo de rival que se atoparán. “Atopamos moitos vídeos e moita información, pero si é certo que houbo que pedir algún favor. Temos datos máis que suficientes para chegar preparados ao domingo, sobre todo dos últimos tres meses, desde a chegada de Iñaki”, detallou Yago Iglesias na rolda de prensa.

Nesas primeiras conclusións, o técnico destacou as características do grupo cuarto da Terceira División, algo que tamén marca o saber facer do MiniGlorias. “É un fútbol moi de disputa, de accións individuais, de contraataque, aínda que é certo que é un filial con moitos xogadores de calidade, polo que combina os dous tipos de fútbol”, analizou.

A pesar diso, e tendo en conta que hai sacar as conclusións en base ao cómputo global da eliminatoria, os branquiazuis queren desenvolver na Cidade Deportiva José Luis Compañón o xogo que marca o seu aceno de identidade. “Queremos levar a cabo a nosa idea, pero controlando os pequenos matices que se poidan dar no duelo”, explicou.

O que si está claro é que nos 180 minutos longos que dura a faena, o Compos dará todo por acabar pasando á segunda fase. “O obxectivo é traer un resultado positivo. Cremos que é fundamental”, resaltou o adestrador santiagués.

Con esa premisa, Yago ve a un plantel moi mentalizado, máis preparada que o curso pasado e con ganas de que empece a rodar a pelota. “O ano pasado atopabámonos máis á expectativa. Este, en cambio, xa desde que certificamos a clasificación ante o Ribadumia, o ambiente do grupo era o de centrarse no playoff e esta semana vinos moi íntegros e moi centrados”, remarcou.

Esa concentración foi vital para que os xogadores teñan claro cal debe ser a formulación máis adecuada neste partido de ida. “O que se expuxo nos adestramentos, que consideramos que é o adecuado para o que nos imos a atopar, o equipo asumiuno moi ben”, asegurou.

Esa confianza de que o traballo previo está realizado, pensa o técnico que lles axudará a nivel mental e de confianza, tanto para a ida como para a volta. Nesta primeira viaxe, dezanove serán da partida, xa que Santi terá que quedarse na casa ao ter que presentarse na mesa electoral o domingo. “É un problema porque ten unhas circunstancias que nos poderían axudar moito, pero outros nos axudarán nesa función”, comentou. Quen si irá, e con boas sensacións, será un Álex Ares que está “perfecto”.

Por tanto, os que sexan da partida en Ibaia buscarán ese resultado que tanto queren para volver a Santiago con grandes sensacións. Os branquiazuis apoiaranse no agarimo que recibiron estes días dos fieis para saír a por todas e comezar con bo pé esta primeira etapa da peregrinación.

Flickr


Youtube

Instagram Compos

Facebook

4 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

4 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

6 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

18 hours ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos viaxa ata Vitoria en busca do seu cuarto triunfo consecutivo fóra da casa, algo que non logra desde a tempada 2017-2018🗓️ Os nosos xogarán este domingo ás 12 horas no Ibai 3 da Ciudad Deportiva José Luis Compañón fronte a un Alavés B que marcha como segundo clasificado📸 Nacho Castaño #minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.