O Compos soña coa remontada no Vero Boquete

31 de Maio de 2019

[cs_video column_size=”1/1″ video_url=”https://youtu.be/0a1m45is9jQ” video_width=”500″ video_height=”250″][/cs_video]

  • Os branquiazuis confían no seu xogo no fortín para darlle a volta á eliminatoria e que non sexa un domingo calquera

Santiago de Compostela, a 31 de Maio de 2019.

A SD Compostela e Santiago confían na remontada. Os branquiazuis están preparados para vivir unha gran tarde na que esperan que non sexa un domingo calquera. Pese ao 1-0 da ida a favor do Deportivo Alavés B, os nosos confían na maxia do Vero Boquete, onde desenvolven o seu mellor xogo e resultados, para darlle a volta á eliminatoria.

“Desde que terminou o encontro en Ibaia, fomos optimistas. Saímos amolados, porque é un mal resultado, sen marcar fóra da casa, pero a última eliminatoria do ano pasado fainos ver que non sempre é bo vir cun marcador satisfactorio porque che pode levar á relaxación”, explicou Yago Iglesias en rolda de prensa.

En base ao dito toda a semana polos diferentes xogadores que pasaron por rolda de prensa, o  Compos baséase no realizado durante a segunda parte da ida para remontar e niso estivo a traballar toda a semana, malia que sen esquecer o que realizou ben o rival, como fixo dano, para tentar minimizalo na volta.

Ese esforzo previo, sumado ao factor do fortín branquiazul serán claves cando empece a rodar o balón. “Sabemos que aquí somos moi fortes, que marcamos moitos goles, e a iso nos aferramos. A todo iso sumamos as sensacións do segundo tempo en Ibaia e a motivación extra de estar ante a nosa xente, co movemento que está a haber en redes un ano máis, que nos está dando esa forza para o domingo saír a por todas”, analizou o técnico.

Esa forza mostrada polo compostelanismo nas redes espera que lles axude marcando o primeiro gol xa desde o recibimento. “Aferrámonos no noso tipo de xogo, que é altísimo aquí, e os nosos resultados para darlle a volta, pero sen esquecer que enfronte haberá un grandísimo equipo”, sinalou.

Por iso, e como noutros momentos da tempada, o corpo técnico avoga por “saír coas orellas de punta, deixándonos todo no campo, porque será moi complicado, para tentar que non sexa un domingo calquera e que a iso das 21.30 ou 22.00 Santiago siga de festa”.

O reto, sen dúbida, será maiúsculo xa que enfronte hai un rival de altísimo nivel, filial dun conxunto de Primeira División, cun potencial individual e de orzamento enorme, no que o técnico destaca as calidades de Lupu, José Luis Rodríguez e Paulino. “Despois do encontro quedamos coa sensación de que marcaban a diferenza, como pensabamos antes, pero sen esquecer que hai outros moi bos xogadores que acompañan ao grupo”, detallou. Entre eles, fixo unha mención especial a Iñaki, quen non chegou para a ida, pero que intúe que estará a acompañar a Lupu na volta.

Este último será outro futbolista rápido e potente para o ataque, polo que ese será un dos aspectos craves a ter en conta. “Aquí a nosa idea de xogo é mover ao rival, pero con máis espazos tamén se pode correr máis, polo que temos que controlar moito a súa velocidade”, remarcou.

Evitando ese potencial do MiniGlorias, outra das intencións será expor un partido longo. “Queremos que o Alavés o pase mal como moitos outros equipos da Terceira que teñen moitísimo nivel. Analizando os resultados e o nivel de xogo contra eles, mesmo os do último mes, válennos moitos deses marcadores para pasar e iso é o que queremos”, reflectiu ante os medios.

Nese encontro longo, confían tamén no estado físico dos seus, vendo tamén a imaxe do outro día nese sentido. Con ese punto, a mentalidade será fundamental “resgardar a portería a cero, pero ao mesmo tempo co coitelo entre os dentes cara a portería rival”.

Para esta final, Yago Iglesias e o seu corpo técnico contan con todo o plantel á súa disposición, aínda que Sergio Pereira será dúbida ata o último momento por un contratempo físico.

Por tanto, acompañados dos seus, os nosos soñan cun domingo especial, rematando ao grande as Festas da Ascensión. Desde as 17.45 comezará a eliminatoria e o primeiro gol debe chegar desde a bancada para que os branquiazuis gocen desa motivación extra para lograr a remontada e seguir a peregrinación.

Flickr


Youtube

Instagram Compos

Facebook

7 hours ago

SD Compostela
🔚 FINAALDeportivo Alavés B 1️⃣-1️⃣ COMPOSValioso punto dos nosos nun campo tremendamente complicado🤯🖐️Edu Sousa foi clave parando un penalti co partido 1-1 no treito final🔜🩵🤍 A vindeira semana agardamos por todos vós para recibir ao Bergantiños #minigloriascompos ... See MoreSee Less
Ver en Facebook

10 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

11 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

12 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

1 day ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.