-
Os 80 inscritos gozaron das actividades programadas e as visitas diarias
Santiago de Compostela, a 27 de Xuño de 2019.
O cuarto campus de verán da SD Compostela pechouse esta tarde cunha gran última xornada lúdica. Os oitenta pequenos inscritos pasaron cinco días en grande nos que gozaron das actividades programadas no Campo Municipal das Cancelas, así como dos sorteos realizados e das visitas de diferentes personalidades.
Nesta última cita, os nenos e nenas tiveron unha mañá na que se bañaron nos inchables acuáticos, que fixeron as delicias de todos eles, e recibiron os diplomas que acreditan a súa participación. E pola tarde, visitaron o Estadio Vero Boquete de San Lázaro, da man de Ramón Castro, coñecendo os interiores do templo branquiazul e dos tesouros que garda no seu interior.
Ademais, xa fose na matinal ou despois da comida, fixéronse xogos de todo tipo, co obxectivo de que collesen recursos futbolísticos, pasáseno ben, coñecesen novos compañeiros e desenvolvesen os bos valores que rodean á práctica futbolística. Neste último aspecto, queremos agradecer o labor dos entrenadores, sempre atentos ás necesidades dos menores e coa iniciativa de que o pasasen o mellor posible.
A maiores, neste tempo, tamén tiveron lugar diversos sorteos de agasallos entre os participantes, levados a cabo durante a visita de diferentes personalidades. O luns foi Álvaro Casas, o martes Mon, o mércores o árbitro Óscar Martínez e o xoves o presidente Antonio Quinteiro.
Por último, agradecemos aos proxenitores que apostaron polo noso Campus, emprazándoos a que repitan o próximo curso. Do mesmo xeito, estendemos estas grandes palabras ás empresas colaboradoras, que axudaron unha vez nesta iniciativa. Mención especial para o Centro de Valorización Ambiental Vatop, patrocinador principal, pero así mesmo a Gadis, Sousas, Lambonadas, Armesa, Kia, Hale Shop, Errea, Bj Trainers, Laucreaciones, Lois Cervexaría (onde comeron tódolos días), Concello de Santiago, Deputación da Coruña e Gráficas Alonso.
