Triunfo claro no regreso ao fortín

1 de Setembro de 2019
Brais Abelenda celebra o seu segundo gol no partido, patrocinado por Celso Míguez. Foto: Amadeo Rey.
Brais Abelenda celebra o seu segundo gol no partido, patrocinado por Celso Míguez. Foto: Amadeo Rey.
  • A SD Compostela superou ao Somozas con tres goles na segunda metade

Santiago de Compostela, a 1 de setembro de 2019.

A SD Compostela regresou ao seu fortín, estreando o mes de setembro, da mellor maneira posible, con tres novos puntos. O cadro branquiazul superou con claridade ao Somozas con tres goles na segunda metade, dous deles de Brais Abelenda, e segue comandando a táboa da Terceira División.

Tras unha primeira metade de dominio branquiazul, o Compos conseguiu abrir a contenda no 51, por mediación de Brais. Jimmy ampliou a renda no seguinte minuto e de novo Brais sentenciaría á saída dun córner, no 64.

No debut ante o seu público, a SD Compostela saíu co mesmo plan que o pasado sábado, dominador coa pelota e buscando a portería rival cando atopaba espazos na defensa do Somozas. Con todo, a boa disposición do cadro visitante, complicaba a tarefa aos nosos.

Pola dereita, tentouno Miki con Saro, pero na mellor, o extremo enviou arriba o rexeite do porteiro. E pola esquerda, na ocasión máis clara, Gabri Palmás centrou, Brais Abelenda controlouna e Jimmy mandou arriba a volea desde o punto de penalti.

A pesar da superioridade, o partido foise con empate sen goles ao descanso, malia que na segunda metade, a situación cambiou con rapidez, froito do dominio local. Aos 51 minutos, os nosos superaban a férrea defensa local cun golazo.

Na enésima subida por banda de Miki, o extremo de Nigrán puxo un centro medido ao segundo pau e aí apareceu Brais Abelenda que, tras gañarlle a partida ao central, puxo a cabeza para enviar o balón lonxe da estirada de David.

E co arreón branquiazul, ao minuto caeu o segundo. Esta vez pola esquerda, Gabri Palmás puxo o servizo ao punto de penalti, controlou Josiño para Jimmy e o lateral, desde o borde da área, puxo o esférico pegado ao pau, para levar o delirio á bancada.

Con vantaxe no luminoso, o Compos non se relaxou e seguiu insistindo ata que acabou entrando o terceiro. Primeiro, Brais Abelenda rozou o tanto nunha nova contra na que, tras favorecerse do corte dun defensa, mandou o disparo a centímetros do pau e despois, Pablo Antas, atopouse con David trala asistencia de Josiño.

Con todo, no córner xerado nesa última oportunidade, o dianteiro de Bembibre selou o seu dobrete. Samu puxo o esférico desde a esquina, non acertou a despexar o xogador do primeiro pau, e Brais, entrando desde atrás, fusilou coa súa perna dereita.

Co paso dos minutos, e unha vez realizados tódolos trocos, o Compos baixoulle unha marcha ao xogo, malia que seguiu dominando coa pelota, sen que Pato sufrise ningún tipo de apuro, e así se chegou ao final do encontro.

Con este resultado, a afección puido saborear un novo triunfo dos seus, no regreso ao Vero Boquete. Tres puntos moi importantes para ampliar a xeira gañadora e para seguir co anecdótico liderado. Dentro de sete días, e tras xogar a final da fase autonómica da Copa Federación en Portonovo contra o Ourense CF, a SD Compostela reencontrarase ante o seu público no duelo contra o Barco.

FICHA TÉCNICA:

3- SD Compostela: Pato; Saro, Álvaro Casas, Soto, Jimmy (Baleato, m.73); Samu, Pablo Antas; Miki (Rodri Alonso, m.67), Josiño, Gabri Palmás (Mon, m.80); e Brais Abelenda.

0- UD Somozas: David; Belengi, Guillem (Rubén, m.65), Manuel Jesús, Ramses; Juan Gabriel, Diego Uzal; Luís Rodríguez, Dani (Jorge, m.57), Juan Manuel; e Eloy (Estevo, m.72).

Goles: 1-0: Brais Abelenda, min.51; 2-0: Jimmy, min.52; 3-0: Brais Abelenda, min.64.

Árbitro: Veloso Branco. Amoestou a Pablo Antas, polos locais; e a Juan Manuel, Dani, Juan Gabriel, Manuel Jesús e Uzal, polos visitantes.

Incidencias: Estadio Verónica Boquete de San Lázaro. Partido da xornada 2 de liga do grupo 1 da Terceira División ante 650 espectadores. Antes do inicio, gardouse un minuto de silencio por Xana Martínez, Mercedes Caramés e Agustín Vázquez.

Youtube

Instagram Compos

Flickr Amadeo Rey

  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0
  • VILLALBES- 0 COMPOSTELA- 0

Instagram Canteira

Twitter Canteira

Facebook

17 hours ago

SD Compostela
👐 Estamos en CUARTOS da VOTACIÓN da MELLOR CAMISETA de Fútbol Emotion 🩵🤍 AXÚDANOS A SUPERAR ESTA ROLDA CO TEU VOTODALLE AO 💙 NO SEGUINTE ENLACE!!! 👇👇👇👇👇👇👇👇www.instagram.com/stories/futbolemotion/3314294372437549281?utm_source=ig_story_item_share&igsh=b... ... See MoreSee Less
Ver en Facebook

21 hours ago

SD Compostela
🎙️ 𝐑𝐝𝐏 | Michel Alonso🗣️ PREVIA do partidazo deste domingo, ás 16.45 no Vero Boquete, contra a RS Gimnástica 🩵🤍 O noso técnico destacou a importancia de seguir dando pasos no xogo e nas sensacións para afianzar os postos de playoff#composgimnástica ... See MoreSee Less
Ver en Facebook

23 hours ago

SD Compostela
🎥 Esta mañá presentamos o encontro solidario contra a RS Gimnástica 📸 Acompañáronnos Pilar Lueiro, concelleira de Deportes do Pazo de Raxoi; e Manuel Mora, presidente de BALRIAL Santiago🤝 Este domingo, pedímosche a túa colaboración para o Banco de Alimentos. Trae alimentos da súa Cesta Básica e entrarás gratis ao partido. Unha axuda moi necesaria para todas as familias necesitadas da nosa contorna!!!#composgimnástica ... See MoreSee Less
Ver en Facebook

2 days ago

SD Compostela
🙌 RECORDA que o partido deste domingo contra a RS Gimnástica é solidario 🤝 Colabora co Banco de Alimentos BALRIAL Santiago achegando produtos da súa Cesta Básica (recolleranse nos accesos ao Estadio Vero Boquete)🎟️ A entrada será gratuíta para todos os que acheguedes algún destes produtos#composgimnástica ... See MoreSee Less
Ver en Facebook

2 days ago

SD Compostela
🗓️ TENDA OFICIAL⏰ Por descanso do persoal, a Tenda Oficial estará pechada ata o próximo 7 de marzo💪 Podes mercar o noso merchan na Tenda Online✍️ tienda.sdcompostela.com/es/👕 Ademais, tamén poderás mercar as equipacións oficiais en Berenguela / Joyas del Camino (Praza das Praterías), establecemento colaborador do club 🩵🤍#tendaoficialcompos ... See MoreSee Less
Ver en Facebook

All contents © copyright SD Compostela. All rights reserved.