Regreso agardado ao Vero Boquete

30 de Agosto de 2019

[cs_video column_size=”1/1″ video_url=”https://youtu.be/qta-pCYR1bI” video_width=”500″ video_height=”250″][/cs_video]

  • O Compos volve ao seu estadio, para enfrontarse ao Somozas, coa intención de que sexa o seu fortín

Santiago de Compostela, a 30 de agosto de 2019.

A SD Compostela regresa este domingo ao Estadio Verónica Boquete de San Lázaro, con motivo do encontro da segunda xornada de liga contra o Somozas, coa firme intención de convertelo de novo no seu fortín. Os nosos, tralas boas sensacións no debut, queren prolongar a súa xeira ante o seu público, co que se volven a atopar.

“O que dixemos esta semana é que agora si é o primeiro partido na casa de competición oficial, de liga, e que queremos que continúe a imaxe de Alondras. O noso campo é dos poucos, por non dicir o único, con estas dimensións e debemos aproveitalo”, explicou Yago Iglesias en rolda de prensa.

Con esa intención, o corpo técnico recoñece que están na segunda xornada e que aínda queda moito por facer, pero que ven unha evolución nese axuste. “Os planteis aínda están por facer, falta coller ritmo, pero espero ver a un Compostela recoñecible. Quero ese equipo dominador e con moita velocidade de xogo, a pesar de que falta tempo para axustarnos”, comentou.

Precisamente, nesa posta a punto, Yago valora as últimas dúas semanas limpas, nas que puido traballar máis conceptos. “Estamos a ver unha evolución e oxalá canto antes estean todos ao cento por cento”, confesou. Malia que aclara: “Isto é unha carreira de fondo, sen dúbida é motivante o regreso á casa, pero hai que seguir crecendo, axustándonos os novos aos que xa estaban e viceversa, para que todo vaia mellor”.

Nese aspecto, malia que quedou contento coas sensacións xerais do sábado pasado, si atoparon algúns puntos a mellorar. “Vén con relación ao debut, pero tivemos unha primeira media hora moi boa, de control total, e despois perdemos un pouco a identidade. O obxectivo é ter máis continuidade, e dentro dela aparecerán outras cousas. O que prima é manter un nivel de concentración e ritmo alto durante o maior tempo posible para non dar opcións ao rival”, analizou un técnico que só quere centrarse neste duelo.

Precisamente, do adversario, o adestrador branquiazul destacou a liña de continuidade no banco e na medular, ao que sumou algún reforzo de nivel. “Segue o adestrador e algúns xogadores, sobre todo no mediocampo, alicerce en tódolos equipos, e despois incorporaron xente arriba como Eloy Díaz, que vén do Paiosaco, e que é unha referencia”, detallou.

Por iso, non se fían dun conxunto que de seguro virá a Santiago a xogar de ti a ti ao Compos. “A Terceira ten cada vez mellores equipos e cada fin de semana hai sorpresas, polo que debemos seguir facendo o noso traballo, conseguir os tres puntos”, concluíu.

Con esta tarefa en mente, e cunha convocatoria que se repetirá, debido ás tres baixas que se manteñen no plantel, os nosos agardan alcanzar o seis de seis, dándolle unha alegría á afección no reencontro. Para iso, os xogadores esperan o apoio da bancada desde as sete, demostrando o nivel que ten o Compos, non só no campo, senón tamén nos seus seguidores.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

11 hours ago

SD Compostela
🧑‍⚕️Os xogadores do Compos pasaron o protocolario recoñecemento médico, antes da pretempada, en HM Rosaleda🤝 Unha tempada máis, seguimos nas mellores mans con @hmhospitales#PretempadaCompos ... See MoreSee Less
Ver en Facebook

2 days ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 💪 Primeiro día completado 🆕️ Primeiro día para as novas fichaxes nuns adestramentos estivais con gran presenza da Canteira Picheleira 👨‍🏫 Con Antón Permuy ao mando, iniciamos 7 semanas de preparación para a liga #PretempadaCompos ... See MoreSee Less
Ver en Facebook

2 days ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 Estamos de volta! 💪⚽️ Primeiro día de adestramentos en marcha#PretempadaCompos ... See MoreSee Less
Ver en Facebook

2 days ago

SD Compostela
🙌 𝐅𝐈𝐂𝐇𝐀𝐗𝐄 🩵🤍💪 Iago Domínguez, novo porteiro da SD Compostela para a Tempada 24/25⚽️ O talentoso meta vigués de 22 anos chega desde o Club Deportivo Mirandes 𝐈𝐚𝐠𝐨 𝐃𝐨𝐦𝐢𝐧𝐠𝐮𝐞𝐳 🩵🤍✍️ sdcompostela.com/2024/07/16/iago-dominguez-fichaje-compos-portero/#benvidoiago ... See MoreSee Less
Ver en Facebook

All contents © copyright SD Compostela. All rights reserved.