- O mediocentro de Negreira xogará ás ordes de Iván Carril
Santiago de Compostela, a 30 de Decembro de 2019.
Alberto Freire Riveiro xogará cedido ata final de tempada no Noia CF, da Preferente Norte. O mediocentro de Negreira, que aínda ten un ano máis de contrato no Compos, adestrarase a partir de agora ás ordes de Iván Carril, un técnico da casa que dirixe un equipo que aposta tamén polo fútbol de toque.
Desde o club desexámoslle a maior das sortes neste periplo en terras noiesas, con moitos éxitos persoais e deportivos e esperarémoslle cos brazos abertos para o seu regreso no verán.
