O Xuvenil A móstrase infalible como local

27 de Xaneiro de 2020
Resultados 26 Xaneiro 1
  • Gran triunfo tamén para o filial e empate meritorio do Cadete A

Santiago de Compostela, a 27 de Xaneiro de 2020.

O Xuvenil A de Liga Galega segue dando pasos para lograr o ascenso á Liga Nacional. Os branquiazuis móstranse infalibles como locais, alcanzando esta fin de semana un novo triunfo. A este uniuse o do Filial, como visitante, do Infantil B, Alevín A, Benxamín A e Benxamín B. Ademais, o Cadete A logrou un bo punto #ante un duro rival. Tamén empataron o Alevín C e Biberón A.

En primeiro lugar, o SD Compostela-Zona Vella volveu á senda da vitoria, recuperando as boas sensacións do comezo de 2020, tras superar ao Cire Melide por 1-2. Foi un triunfo de coraxe e valentía, xa que os tres puntos chegaron remontando e con gol no desconto final. Ambos os conxuntos partían igualados na táboa ao comezo da xornada, o que presaxiaba un duelo igualado que non se decidiría ata os últimos compases. Marcaron primeiro os locais, pero os goles de Francisco Miguel Silva, no 70, e o pichichi Bruno Pouso (once tantos en liga), no 90, déronlle a volta ao luminoso. Desde a sexta praza, os branquiazuis non se esquecen do ascenso, cun líder que está a nove puntos.

Recuperando tamén sensacións, o Xuvenil A deixou atrás a súa última derrota en terras lucenses cun triunfo de nivel como local. Os nosos superaron por 3-0 ao Racing de Ferrol B, terceiro clasificado, aumentando a renda co seu rival ata os nove puntos (mantén cinco sobre o segundo). Diego López e Manuel Rivas, na primeira metade, deixaron franco un encontro que se encargou de culminar o pichichi Christian Fernández (16 goles), na segunda. Ademais, con este resultado recuperaron o goalaverage cos departamentais.

Por contra, o Xuvenil B non puido encadear éxitos, logo de caer pola mínima, 3-2, na súa visita ao Ulla Pontecesures. Moisés Bernárdez e Yago Moroño foron os goleadores branquiazuis.

Tamén en Liga Galega, o Cadete A segue pelexando pola posición de ascenso directo logo de empatar 1-1 contra o Imperator OAR, sexto clasificado. Os branquiazuis, a pesar de caer momentaneamente ata a cuarta praza, seguen a tres puntos do EFM Boiro, contra o que se enfrontarán a próxima xornada. Os pupilos de Iván Carril chegan despois de sumar este meritorio punto contra os coruñeses, mercé ao tanto de Xaime Paz no 70. Mesmo resultado tivo un Cadete B que perdeu o seu liderado provisional. Os nosos quedaron 1-1 na súa visita ao Tordoia, sendo insuficiente o tanto de Rubén Sande nos primeiros compases para levar os tres puntos.

En infantís, á espera de que xogue este martes pola noite o Infantil A, o Infantil B sumou un novo triunfo tras superar por 2-3 ao San Pedro. Os branquiazuis, que seguen cuartos, sufriron para superar a un correúdo rival, pero lográrono coas dianas de Dani Varela, Dani Ouro e Yago Vilariño.

En fútbol-8, o Alevín para sumou este domingo unha nova vitoria ao vencer por 1-5, precisamente, ao San Pedro. Mentres tanto, o Alevín C empatou 2-2 contra o Conxo D, estreando o triplo enfrontamento da xornada contra o equipo santiagués. Así, o Benxamín A superou ao Conxo C para manter a segunda posición na clasificación, mentres que o Benxamín B tamén logrou o triunfo contra o Conxo D.

Por último, en fútbol sala, o Biberón A empatou 1-1 contra o Calo, líder da táboa, polo que segue na terceira posición, mentres que o Biberón B perdeu 0-2 ante o Villestro B, segundo clasificado.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

2 days ago

SD Compostela
🙌 RECORDA a cita que temos mañá en A Grella con 𝐋𝐮𝐢𝐬 𝐁𝐨𝐧𝐢𝐥𝐥𝐚, da Canteira Celeste, e 𝐒𝐭𝐢𝐥𝐲, adestrador do Galicia de Mugardos!!!Será a derradeira sesión da #composescola desta tempada!!!Agardámoste 👉 bit.ly/ComposEscolaAGrella📚 𝐂𝐎𝐌𝐏𝐎𝐒 𝐄𝐒𝐂𝐎𝐋𝐀 📚🙌 PECHE por todo o alto das Xornadas de Formación da #ComposEscola desta Tempada!!!💙 Será o próximo 𝐦𝐚𝐫𝐭𝐞𝐬 30, nas instalacións de A Grella braseria restaurante do camping As Cancelas de Santiago, e cunha sesión especial, na que teremos con nós a 2 grandes adestradores do Fútbol Galego: 𝐋𝐮𝐢𝐬 𝐁𝐨𝐧𝐢𝐥𝐥𝐚 e 𝐒𝐭𝐢𝐥𝐲!!!✍️ Agardámosvos!!! 👉 bit.ly/ComposEscolaAGrella ... See MoreSee Less
Ver en Facebook

2 days ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎𝐒𝐚𝐦𝐮 sufriu o sábado, no partido en Tarazona, un accidente articular no xeonllo esquerdo. Nunha primeira valoración, os servizos médicos informan que semella ter unha lesión no ligamento cruzado anterior, agardando que as probas o confirmen!💪 Moito ánimo, Samu!!! Volverás máis forte!!! ... See MoreSee Less
Ver en Facebook

All contents © copyright SD Compostela. All rights reserved.