Nove vitorias e dous empates nunha xornada prolífica

10 de Febreiro de 2020
Resultados 9 Febreiro 1
  • O Xuvenil A segue como líder, mentres que cadetes e infantís están na parte alta
  • Alevín A, Benxamín A, Prebenxamín A e Biberón A tamén ocupan os primeiros postos

Santiago de Compostela, a 10 de Febreiro de 2020.

A xornada para as categorías inferiores da SD Compostela completouse cunha boa colleita: nove vitorias, dous empates e tan só tres derrotas. O Xuvenil A segue como líder destacado tralo seu triunfo, mentres que outros conxuntos como o Filial, Cadete A, Cadete B, Cadete C, Infantil A, Infantil B, Alevín A, Benxamín A, Prebenxamín A ou Biberón A están clasificados entre os cinco primeiros postos das súas ligas.

En primeiro lugar, o SD Compostela-Zona Vella non puido encadear a súa terceira vitoria seguida, aínda que este éxito foille privado por unha xogada non exenta de polémica. Un penalti sinalado a favor do EF Silleda no 83 supuxo a igualada (2-2) nun duelo no que o filial branquiazul mereceu máis. Anteriormente, os tantos de Alberto Fernández e Daniel Mato serviran para que os santiagueses remontasen. Co empate, os locais seguen, cuartos, cun punto de vantaxe sobre os nosos.

Si puido levar a contenda nunha dura saída ante o Galicia de Caranza o Xuvenil A, que segue como líder destacado do grupo 1 de Liga Galega, con seis unidades sobre o segundo. Un solitario gol de Manuel Rivas aos tres minutos foi suficiente para que os branquiazuis volvesen saborear os meles do éxito, mantendo a súa renda sobre o Calasanz B. Por contra, o Xuvenil B estivo a piques de sorprender ao Sálvora, pero non o logrou. Os nosos caeron por 1-2, cun tanto de Martín Díaz.

Pola súa banda, o Cadete A, contra o mesmo rival, o Galicia de Caranza, non puido pasar do empate inicial, 0-0. Os de Iván Carril tentárono por todas as vías posibles pero non foron capaces de romper o arco rival, polo que quedan cuartos a tres puntos da posición de ascenso directo. Á súa vez, mentres que agardan a que o Cadete B xogue o seu partido este xoves, o Cadete C levou un complicado encontro contra o Cruces por 1-2 para escalar á terceira praza da liga. Álvaro Espasandín, primeiro, e Anxo Olveira, despois, permitiron que os tres puntos viñesen para Santiago.

E en infantís, un novo dobrete para os canteiráns. En primeiro termo, o Infantil A goleou por 0-6 ao Ulla Pontecesures para seguir instalado na terceira posición. Un dobrete de Anxo Fuentes e as dianas de Lucas Dagnac, Álvaro Espasandín, Lois Lortes e Leo González axudaron aos nosos para seguir coa súa boa dinámica. E en segundo termo, o Infantil B levou o duelo contra o Vista Alegre para continuar como cuartos. Os goles chegaron por obra de Giovanny Gallo, Dani Varela, Juan Manuel Millán e Iker Torres.

En fútbol-8, os pequenos tamén acumularon bastantes vitorias, pero sobre todo boas experiencias para gozar do fútbol. O Alevín A, por exemplo, superou por 1-3 ao Peleteiro, co que estaba igualado na táboa. O Benxamín A, pola súa banda, superou ao Tordoia en casa para seguir segundo a seis puntos do líder, mentres que o Benxamín B gañou ao Amio B. E na segunda fase da competición, o Prebenxamín A segue de líder despois de vencer ao Cruces como visitantes e o Prebenxamín B perdeu contra o ED Xuventude Oroso B.

Por último, en fútbol sala, o Biberón A segue como terceiro ao gañar por 4-0 ao Racing San Lorenzo. Pola súa banda, o Biberón B caeu por 0-3 contra o ED Xuventude Oroso.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 ⚽️ Confirmado un novo amigable de verán para os nosos🏆 I Trofeo Mercado La Galiciana 🆚 Club Deportivo Arenteiro 🗓️ 26 de xullo🏟️ Baltar ⌚️ 19.30#PretempadaCompos ... See MoreSee Less
Ver en Facebook

3 days ago

SD Compostela
Jaime Santos non seguirá na SD Compostela Moitas grazas polo teu compromiso e traballo e moita sorte para o futuro✍️ sdcompostela.com/2024/07/12/jaime-santos-despedida-sd-compostela/ ... See MoreSee Less
Ver en Facebook

4 days ago

SD Compostela
SD Compostela's cover photo ... See MoreSee Less
Ver en Facebook

4 days ago

SD Compostela
🩵🤍 Lanzamos Quérote Compos, a Campaña de Abonos para a Tempada 24/25🗓️ Dispoñible a partir do luns!🤝 20% de desconto para renovacións (25% para integrantes das peñas)🎫 15€ co Carné Xove 🙌 E moito máis 👉 + info 🔜#quérotecompos ... See MoreSee Less
Ver en Facebook

All contents © copyright SD Compostela. All rights reserved.