Yago Iglesias seguirá encabezando o proxecto branquiazul en Segunda B

5 de Agosto de 2020
Renovación Corpo Técnico 2021 1
  • O técnico renova por un ano, polo que cumprirá a súa quinta tempada dirixindo á SD Compostela
  • Acompañarano novamente, Rodri Veiga, segundo adestrador, e Álex Otero, preparador físico

Santiago de Compostela, a 5 de Agosto de 2020.

Cando Yago Iglesias chegou á capital galega fai catro veráns facíao coa premisa de devolver ao Compos á división de bronce do fútbol nacional nun futuro a medio-longo prazo, ademais, co obxectivo de sentar as bases dun equipo recoñecible, que apostase polo bo xogo e con xente nova, con proxección e ligada a Santiago. Unha vez o conseguiu, sen perder nada desa aposta inicial, gañouse o dereito a gozar da nova categoría.

A SD Compostela asegúrase, deste xeito, a continuidade dun adestrador que deixou pegada na cidade e no club. A súa aposta por someter ao rival co balón foi encomiada en incontables ocasións por compañeiros de profesión, xogadores e rivais, e non só iso, senón que levou á entidade compostelanista a alcanzar títulos e récords históricos.

Con Yago Iglesias no banco, o Compos logrou un ascenso, dous títulos de Liga, tres  playoffs de ascenso consecutivos, unha Copa Deputación, unha fase autonómica da Copa Federación e superou unha rolda da Copa do Rey. A maiores, alcanzou a marca histórica de puntos nunha categoría nacional (86), igualou o récord de partidos seguidos gañados (10), igualou tamén o de vitorias seguidas na casa nunha mesma campaña (13) e superouse o número de minutos seguidos sen encaixar gol (798).

En total, leva xa 141 encontros de Liga dirixindo á SD Compostela, aos que suma dez de playoff e outros dous de Copa do Rey. De todos eles, 87 acabaron en vitoria branquiazul, polo que ten unha porcentaxe de éxito de case o sesenta por cento en competicións oficiais. Por iso, case tres de cada cinco encontros do Compos dirixidos por Yago Iglesias acabaron en triunfo.

Todos estes datos e as sensacións que deixaron os branquiazuis sobre os terreos de xogo nestes catro anos constatan a importancia que tivo o adestrador compostelanista nos éxitos da SD Compostela. Por este motivo, o club considera que é a persoa máis e mellor preparada para dirixir o regreso da entidade á Segunda División B.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

2 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

2 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

2 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

3 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.