Buscando a primeira vitoria da tempada

30 de Outubro de 2020
  • Yago Iglesias asegurou que o empate pasado serviu ao equipo para comprender que a filosofía é perfectamente válida para a categoría

Santiago de Compostela, a 30 de Outubro de 2020.

A SD Compostela volve vivir este domingo un novo derbi galego, esta vez, fóra de casa. Os branquiazuis viaxarán na matinal para medirse ao Coruxo, buscando a primeira vitoria da tempada. Co reforzo do empate logrado no fortín, os nosos confían en saír vencedores do duelo do Vao.

Baixas. Samu e Bicho seguen coas molestias. Este domingo non van estar e incorporarémolos para a semana que vén, esa é a previsión. O resto está en perfectas condicións.

A semana. No tempo no que levamos, todas as semanas, a nivel de adestramentos, son moi boas. O grupo, desde o primeiro ano, sempre traballou moi ben, sempre se baleira en cada adestramento e en cada partido, polo que non temos nada que obxectar. O partido da fin de semana pasada serviunos para darnos conta de que a nosa idea de fútbol é perfectamente válida para a categoría e que somos capaces de competir contra calquera equipo. Ese é o listón e agora non pode baixar, polo que imos traballar todo o posible para que aumente e creo que ese primeiro punto reforzounos.

O primeiro gol. O que me preocuparía sería non xerar ocasións. Creo que será cuestión de tempo, mentres manteñamos o nivel e o número de ocasións. Sabemos que esta categoría non é a do ano pasado, na que, sobre todo en casa, xerabamos moitas ocasións, pero isto é outra cousa. Aquí os equipos defenden doutra maneira, manteñen durante máis tempo a estrutura e a orde, polo que non é nada que me preocupe. Si é certo que todos queremos empezar a gañar, sumar de tres e iso vese traducido con goles, polo que esperamos que empece esta fin de semana.

O rival. Esta fin de semana é un partido distinto, fóra de casa, contra un rival moi difícil e temos que baleirarnos para poder conseguir o primeiros tres puntos. Non hai que esquecer que os novos nesta categoría somos nós e que eles foron os mellores galegos o ano pasado. Ademais, continúan un gran número de xogadores e manteñen a proposta e filosofía do club: humilde, pero que fai ben as cousas, que sempre acerta nas fichaxes e todo iso conxugado co seu adestrador, Míchel, que leva moito tempo no fútbol e que sabe que tecla tocar para que o equipo funcione.

Perfil do Coruxo. É un equipo que lle gusta ter o balón, con xogadores, sobre todo de medio campo cara adiante, contrastados na categoría e en niveis superiores, os Álex Ares, Jairo, Mateo, Yebra ou Jonathan Vila. Sobre todo, creo que teñen unha das mellores bandas da categoría, a dereita, con Antón de Vicente de lateral e Mateo ou Álex Ares, xogando por diante. Teñen moito fútbol, moita experiencia e a clasificación actual non reflicte para nada onde estará ao final de liga, estou seguro.

O Vao. Temos claro que o Coruxo, tanto por adestrador como perfil de xogadores, propón un pouco máis e que quererá xogar. A dúbida será o tempo da fin de semana e ver como está O Vao. Contra o Zamora, o campo parecía que estaba ben e esperamos que así sexa, para que podamos ter un bo terreo de xogo e plasmar a nosa idea.

Obxectivo. O que queremos é sumar de tres, pero sabemos que o rival que temos en fronte vainos a esixir tanto ou máis como o da semana pasada.

Youtube

Instagram Compos

Flickr Amadeo Rey

  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2
  • COMPOSTELA- 3 TARAZONA- 2

Instagram Canteira

Twitter Canteira

Facebook

16 hours ago

SD Compostela
🙌 RECORDA a cita que temos mañá en A Grella con 𝐋𝐮𝐢𝐬 𝐁𝐨𝐧𝐢𝐥𝐥𝐚, da Canteira Celeste, e 𝐒𝐭𝐢𝐥𝐲, adestrador do Galicia de Mugardos!!!Será a derradeira sesión da #composescola desta tempada!!!Agardámoste 👉 bit.ly/ComposEscolaAGrella📚 𝐂𝐎𝐌𝐏𝐎𝐒 𝐄𝐒𝐂𝐎𝐋𝐀 📚🙌 PECHE por todo o alto das Xornadas de Formación da #ComposEscola desta Tempada!!!💙 Será o próximo 𝐦𝐚𝐫𝐭𝐞𝐬 30, nas instalacións de A Grella braseria restaurante do camping As Cancelas de Santiago, e cunha sesión especial, na que teremos con nós a 2 grandes adestradores do Fútbol Galego: 𝐋𝐮𝐢𝐬 𝐁𝐨𝐧𝐢𝐥𝐥𝐚 e 𝐒𝐭𝐢𝐥𝐲!!!✍️ Agardámosvos!!! 👉 bit.ly/ComposEscolaAGrella ... See MoreSee Less
Ver en Facebook

21 hours ago

SD Compostela
𝐏𝐀𝐑𝐓𝐄 𝐌É𝐃𝐈𝐂𝐎𝐒𝐚𝐦𝐮 sufriu o sábado, no partido en Tarazona, un accidente articular no xeonllo esquerdo. Nunha primeira valoración, os servizos médicos informan que semella ter unha lesión no ligamento cruzado anterior, agardando que as probas o confirmen!💪 Moito ánimo, Samu!!! Volverás máis forte!!! ... See MoreSee Less
Ver en Facebook

2 days ago

SD Compostela
🎥 𝐑𝐎𝐋𝐃𝐀 𝐃𝐄 𝐏𝐑𝐄𝐍𝐒𝐀 🎥🎙️ Rolda de prensa de Juan Carlos Andrés trala derrota e eliminación no playoff!!!#TarazonaCompos ... See MoreSee Less
Ver en Facebook

2 days ago

SD Compostela
🔚 𝐅𝐈𝐍𝐀𝐋S. D. Tarazona 2️⃣-0️⃣ 𝐒𝐃 𝐂𝐎𝐌𝐏𝐎𝐒𝐓𝐄𝐋𝐀 Da forma máis cruel!#TarazonaCompos ... See MoreSee Less
Ver en Facebook

All contents © copyright SD Compostela. All rights reserved.