- A eliminatoria xogarase na semana do 16 de decembro en Can Misses
Santiago de Compostela, a 16 de Novembro de 2020.
A Sociedade Deportiva Compostela xa coñece ao seu rival para a primeira rolda da Copa do Rei, á que accedeu como campión do Grupo 1 da Terceira División na tempada 2019/20. Os branquiazuis enfrontaranse á UD Eivissa, do Grupo 3 Subgrupo B da Segunda División B, na semana do 16 de decembro no Estadio Municipal Can Misses.
Disputarase en formato de eliminatoria a partido único, con prórroga e penaltis no caso de persistir o empate ao finalizar o tempo regulamentario.
