A pretempada da SD Compostela arrinca o luns 18 con seis amigables xa confirmados

14 de Xullo de 2022
  • O equipo volverá ao traballo ás 10.30 horas no Anexo San Lázaro II
  • Haberá sete semanas de preparación, cunha primeira con dez adestramentos
  • Os nosos estrearanse no Vero Boquete o sábado 30 de xullo contra o Ourense CF

Santiago de Compostela, 14 de xullo de 2022

A pretempada da SD Compostela arrincará este próximo luns 18 de xullo, ás 10.30 horas, no Anexo San Lázaro II. Os nosos, xa con Fabiano á cabeza, volven ao traballo para preparar o inicio da competición, previsto para o 4 de setembro. Serán sete semanas de preparación, nas que xa están confirmadas seis amigables.

Os xogadores branquiazuis, nesta toma de contacto, terán unha primeira semana con dez adestramentos. Haberá todos os días pola mañá, ás 10.30 horas, e tres xornadas (martes, mércores e venres) con dobre sesión, programadas as de tarde para as 17.00 horas.

Tralos adestramentos, a estrea chegará o sábado 30 de xullo, ás 11.30 horas, contra o Ourense CF, conxunto recentemente ascendido á Segunda RFEF, no Vero Boquete de San Lázaro.

Posteriormente, o sábado 6 de agosto, en horario por confirmar, os nosos disputarán o IV Trofeo Vila de Padrón, tentando revalidar o título, no que se medirán ao CD Estradense de Nacho.

A seguir, o mércores 10, na Pobra do Caramiñal, o Compos enfrontarase ao Puebla FC, conxunto do Barbanza co que se asinou un novo convenio de colaboración, para o crecemento deportivo de ambas entidades.

Esa mesma semana, no Campo do Viso, o domingo 14 ás 20.00 horas, a SD Compostela disputará os cuartos de final da Fase Autonómica da Copa RFEF contra o CSD Arzúa.

Mentres que o sábado 20 de agosto, no Estadio Municipal da Malata, os nosos disputarán un amigable de altura contra o Racing Club de Ferrol.

Así mesmo, dentro da preparación, tamén se xogará a sexta edición do Memorial Antonio Bermúdez, o Estadio Verónica Boquete de San Lázaro, nunha data aínda por determinar e que se presentará nas próximas semanas.

Ademais, o número de partido poderá aumentar en función das roldas superadas nas copas.

Youtube

Instagram Compos

Facebook

6 hours ago

SD Compostela
🔥🩵🤍 PREVIAO Compos visita A Lomba en busca do seu terceiro triunfo consecutivo lonxe de San Lázaro 🗓️ Os nosos xogarán este domingo ás 17 horas fronte ao Arosa nun campo no que xa gañaron o curso pasado por 0-2 con dous goles de Antón Guisande 📸 Ignacio Castaño Gómez#ArosaCompos ... See MoreSee Less
Ver en Facebook

10 hours ago

SD Compostela
🎙️ Previa Carlos de Lerma | Xornada 10🩵🤍 O adestrador compostelanista falou sobre o estado físico dos seus, do modelo que intenta implantar e das claves que marcarán este derbi en Vilagarcía#arousacompos ... See MoreSee Less
Ver en Facebook

1 day ago

SD Compostela
🩵🤍 Os nosos desfrutaron hoxe dunha comida grupal na Parrilla O Establo Unha visita ao noso patrocinador para facer 🍍, antes do derbi, e desfrutar dunha boa parrillaMoitas grazas pola acollida e polo bo trato, coma sempre 🥰 ... See MoreSee Less
Ver en Facebook

1 day ago

SD Compostela
🧐 Repetimos? Este domingo, na Lomba, queremos vivir unha gran tarde de fútbol como a tempada pasada!Co voso apoio podemos conseguilo de novo! 💪🩵🤍📸 Nacho Castaño #arousacompos ... See MoreSee Less
Ver en Facebook

2 days ago

SD Compostela
𝐀 𝐂𝐚𝐧𝐭𝐞𝐢𝐫𝐚 𝐏𝐢𝐜𝐡𝐞𝐥𝐞𝐢𝐫𝐚📸 Velaquí a foto de familia con todos e todas as integrantes da nosa canteira e de todos os equipos da SD Compostela e do CD Conxo Santiago O proxecto segue medrando, consolidándose como unha das referencias do fútbol base galego onde gozan do deporte más de 500 xogadores e xogadores e conta con 55 adestradores. Non só pola súa cantidade, senón tamén pola calidade dos nosos equipos é que podemos estar orgullosos e orgullosas. Actualmente seguimos presentes na División de Honra xuvenil, a categoría punteira do fútbol formativo nacional. Contamos ademais con representación na Liga Nacional e con equipos nas distintas Divisións de Honra tanto cadetes (por dobre partida) como infantil.Mirando cara abaixo a imaxe non pode ser máis positiva. O noso fútbol 8 e fútbol 7 tamén crece con seis equipos alevíns, cinco benxamíns, tres prebenxamíns e un Biberón. O curso pasado os nosos cativos e cativas fixeron historia clasificando en todas as categorías para a Fase Final do Campionato Galego. Entre todos e todas intentaremos que siga sendo un orgullo formar parte da Canteira Picheleira!🤍🩵🤍#canteirapicheleira ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.