Jorge Cano, polivalencia e experiencia para o ataque da SD Compostela

24 de Xullo de 2022
  • O extremo coruñés procede do Bergantiños e firma por unha tempada

Santiago de Compostela, 24 de xullo de 2022

Jorge Cano Bermúdez de Castro (A Coruña, 04/07/90) é novo xogador da SD Compostela para a Tempada 2022/23. O experimentado atacante coruñés, cunha ampla traxectoria no fútbol galego, chega dende o Bergantiños, equipo co que disputou os catro últimos cursos, e firma por unha campaña.

Ademais de pola súa dilatada carreira na Segunda División B e Terceira, cun gran rendemento nos equipos polos que pasou, Cano destaca pola súa enorme polivalencia en toda a fronte do ataque, podendo actuar tanto en ambas bandas como de dianteiro. Así mesmo, posúe un gran xogo aéreo e capacidade goleadora, calidades todas elas que levaron á dirección deportiva do club a afrontar a súa incorporación.

No que respecta a súa traxectoria deportiva, o novo xogador branquiazul acumula 120 partidos no Grupo 1 da Segunda B, aos que suma 32 encontros na nova Segunda RFEF. A maiores, tamén conta ás súas costas cunha bagaxe de 268 duelos disputados na Terceira División.

Por tempadas, Cano comezou a destacar nas filas do Atlético Montañeiros, con tres cursos na división de bronce do fútbol nacional. Posteriormente, pasaría un ano polo Fabril e dous no Cerceda, todos eles en Terceira. A seguir, ficharía polo Boiro, onde estivo tres campañas, logrando un ascenso a Segunda B. Por último, os catro últimos anos estivo no Bergantiños, alcanzando tamén un salto de categoría e sendo unha peza capital do equipo cada tempada.

Pola súa banda, no que se refire á súa faceta goleadora, leva 21 goles entre Segunda B e Segunda RFEF, así como 85 en Terceira, estatísticas que tentará incrementar na súa etapa na capital galega.

Coa súa incorporación, a SD Compostela 22/23 de Fabiano conta agora con quince xogadores con contrato: Pato Guillén, Borja Rey, Roque, Álvaro Casas, Pablo Crespo, Damián Canedo, Martín Salvador, Pablo Antas, Samu, Mario, Fer Beltrán, Jordan, Cano, Parapar e Pablo Durán.

O atacante sumarase aos adestramentos o vindeiro martes, no regreso do equipo ao traballo dentro da segunda semana de pretempada.

Flickr


Youtube

Instagram Compos

Facebook

4 hours ago

SD Compostela
📋🩵🤍 OS NOSOS 11👨‍🏫 Carlos de Lerma🆚 Deportivo Alavés B#minigloriascompos ... See MoreSee Less
Ver en Facebook

4 hours ago

SD Compostela
🎂 Hoxe está de aniversario o noso 🐈, Iago DomínguezMoitos parabéns, Iago!! 🩵🤍Que o poidamos celebrar cunha +3⃣ esta mañá en Vitoria! 📸 Nacho Castaño ... See MoreSee Less
Ver en Facebook

6 hours ago

SD Compostela
DÍA DE COMPOS! 🩵🤍🆚 Deportivo Alavés B🏟️ Ibaia 3🕛 12:00 horas🎟️ 10€❌📺 🙌 A recuperar a senda do triunfo en Vitoria!📸 @nacho_castano_#minigloriascompos ... See MoreSee Less
Ver en Facebook

18 hours ago

SD Compostela
✅📋 CONVOCATORIA👨‍🏫 Carlos de Lerma🆚 Deportivo Alavés B👉 Os nosos para o encontro de mañá ás 12:00 horas en Vitoria! Regresan á convocatoria tralas súas lesións Ces Cotos e Armental#minigloriascompos ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos viaxa ata Vitoria en busca do seu cuarto triunfo consecutivo fóra da casa, algo que non logra desde a tempada 2017-2018🗓️ Os nosos xogarán este domingo ás 12 horas no Ibai 3 da Ciudad Deportiva José Luis Compañón fronte a un Alavés B que marcha como segundo clasificado📸 Nacho Castaño #minigloriascompos ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.