Elliot Gómez, un extremo con calidade para o ataque do Compos

6 de Agosto de 2022
Fichaxe Elliot Gómez Instagram
  • O atacante procede do Tenerife e conta con experiencia en Segunda División

Santiago de Compostela, 6 de agosto de 2022

Elliot Gómez López (Güímar-Santa Cruz de Tenerife, 11/06/1999) é novo xogador da SD Compostela para a Tempada 22/23. O extremo canario, con experiencia en Segunda División, achegará potencia e desborde ao ataque branquiazul. Ademais, pode actuar tanto en ambas bandas como de dianteiro. Chega desde o CD Tenerife e firma por unha tempada.

Formado nas categorías inferiores do CD Tenerife e do Real Madrid, participando na UEFA Youth League, deu o salto ao profesionalismo, en 2018, co Real Madrid Castela, aínda que se marcharía cedido a comezos de ano ao Burgos CF, en Segunda B, disputando sete encontros.

No mercado invernal, buscando protagonismo, iríase ao filial do Tenerife. Alí alternou o filial co primeiro equipo, froito do seu gran rendemento. En Segunda División debutou o 22 de novembro de 2019, na vitoria contra o Real Sporting de Gijón. En total, nesa tempada, participou en nove encontros, catro como titular, dando unha asistencia. Ademais, en Copa do Rey, tamén disputaría outros catro partidos, todos eles como titular, achegando outros dous pases de gol.

Ao curso seguinte marcharíase cedido ao Real Valladolid Promesas, participando en once partidos, un deles da fase de ascenso a Segunda División. Tralo seu paso por terras castelás, a campaña pasada iría novamente a préstamo ao Hércules, do Grupo V da Segunda RFEF. Pechou o curso con vinte e un duelos xogados, marcando un tanto.

Coa súa firma, a SD Compostela 22/23 conta agora con dezasete xogadores no primeiro plantel. Unha vez pechado o acordo, Elliot sumarase aos adestramentos o vindeiro luns.

Youtube

Instagram Compos

Facebook

13 hours ago

SD Compostela
🙌🫂 Mañá, todos ao Vero Boquete de San Lázaro!💪 Podemos conseguir o triunfo no derbi entre todos🏟️ Queremos seguir de doce e sumar un +3⃣ na nosa casa! 📸 Nacho Castaño #composourense ... See MoreSee Less
Ver en Facebook

2 days ago

SD Compostela
🏅🚴‍♀️ Orgullo de Compostela!Alejandra Neira, campioa do Mundo en Ruta e de Europa en CRI en categoría Junior, será homenaxeada este domingo no Vero Boquete⚽️ A ciclista compostelá fará o saque de honra no derbi contra o Ourense CF #composourense ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos buscará dar un golpe de autoridade na casa e confirmar así a súa boa dinámica 🗓️ Os nosos recibirán o domingo ás 17 horas ao Ourense FC co obxectivo de prolongar o gran momento do equipo, con 13 puntos obtidos dos últimos 15 posiblesPor primeira vez no que vai de tempada, Carlos de Lerma terá á súa disposición aos 24 membros do plantel📸 Nacho Castaño #composourense ... See MoreSee Less
Ver en Facebook

2 days ago

SD Compostela
🎙️ Previa Carlos de Lerma | Xornada 11🩵🤍 O técnico do Compos destacou que ten a todo o plantel, que seguen co debe de darlle á afección unha alegría na casa e analizou as claves para poder conseguir o triunfo no derbi#composourense ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.