- O centro comercial compostelán reforza o seu grao de implicación co deporte local e pon en marcha acciones conxuntas
Santiago de Compostela, 27 de outubro de 2022
O centro comercial As Cancelas e a SD Compostela renovaron o seu acordo de colaboración, para poñer en marcha iniciativas conxuntas durante a tempada 2022/2023.
O acordo de colaboración e promoción co club inclúe a presenza do centro comercial nos soportes publicitarios do Estadio Verónica Boquete de San Lázaro e o desenvolvemento de distintas iniciativas para os afeccionados e clientes de As Cancelas, como o sorteo de camisetas oficiais e entradas para partidos, firmas de xogadores ou apoio en campañas para captación de abonados.
Así mesmo, ao longo de toda a tempada, levarán a cabo acciones específicas no Estadio Verónica Boquete de San Lázaro e no centro comercial compostelán.
O acordo de colaboración de As Cancelas responde o esforzo e compromiso levado a cabo desde o centro comercial pola promoción e apoio do deporte local na cidade.
“Este ano renovamos o acordo de colaboración porque cremos que é o camiño a seguir. Unha forma de apoiar as diferentes entidades que conforman o escenario deportivo compostelán e que axuda ao desenvolvemento da cidade en numerosas vertentes”, explica Javier Nicolás Blanco, xerente de As Cancelas.
“E non só iso, son os valores que compartimos co Compos o que nos une e empuxa a levar a cabo este acordo: a implicación coa cidade e a súa promoción, o respecto ao esforzo, o traballo en equipo, o fomento do deporte en todas as idades e moitos aspectos máis”, agrega.
Este acordo de colaboración enmárcase no programa de responsabilidade social corporativa (RSC) ‘Aquí actuamos’, de As Cancelas. A través da posta en marcha de diferentes accións e proxectos, búscase mellorar o impacto do centro comercial ao redor de tres eixos: o dinamismo local, a conservación do medio ambiente e o compromiso social cos seus traballadores.
Acerca de As Cancelas. Con 50.000 m2 e 2.300 prazas de aparcamento gratuítas, As Cancelas é o centro comercial líder na área de Santiago de Compostela.
Copropiedade de Carmila e Realia, a oferta do centro distribúese en tres plantas nas que destacan as 8 salas de cinema de CINESA, un Hipermercado Carrefour, 15 locais de restauración e unha completa variedade de tendas de moda que agrupan os seus descontos e promocións a través da tarxeta de fidelización do centro.
As Cancelas é un espazo pensado para a comodidade do visitante, cunha oferta de lecer e cinemas que se mantén aberta de luns a domingo os 365 días do ano e que conta con aparcadoiro gratuíto tamén para bicicletas e motos, zona Wifi, despachos de billetes e sala de lactación. Sempre pensando nas familias, As Cancelas conta co Club de Celi, un club que aglutina todas as actividades infantís do centro, sempre gratuítas, e que conta xa con máis de 20.000 socios.
