- Trae a algún amigo ou familiar e só pagará a metade do custo da entrada
- Habilitada pola semana e o día de partido
Santiago de Compostela, 30 de xaneiro de 2023
O derbi deste domingo no Vero Boquete será de vital importancia para a SD Compostela. Por iso, recuperamos a promoción de entradas a maiores con desconto para os nosos abonados. Trae a amigos ou familiares ao encontro contra o Ourense e só pagarán a metade do custo da entrada.
O equipo necesita o apoio da afección para retomar a senda da vitoria, polo que precisamos o maior ambiente posible no Estadio. Queremos vivir unha nova tarde noite de gloria, con plantel e afección remando xuntos.
Con este obxectivo, todos os abonados e abonadas do club poden retirar, a partir de mañá martes, entradas a metade de prezo para o partido. Estarán dispoñibles para todos os rangos de idade e para ambas bancadas.
As entradas poderán ser retiradas na Oficina do Club, ata o venres, na Tenda Oficial da Rúa da Raíña, ata o sábado; e tamén nos despachos de billetes do Vero Boquete, o propio domingo desde unha hora antes.
Deste xeito, ademais de acceder co teu abono ao partido, quen che acompañe pagará, se vai para Tribuna, 10€ (adulto) ou 5€ (Menor de idade); mentres que se é para Preferencia, 7,5€ (adulto) ou 2,5€ (menor).
Será imprescindible presentar o abono para retirar as entradas con desconto.
