- Para o derbi contra o Arenteiro, o Compos organiza unha gran festa para todos os afeccionados, patrocinada por Hyupersa Santiago
- Haberá pulpeiro, zona de xogos infantís, dj e, como cabeza de cartel, a gran orquestra Cinema
Santiago de Compostela, 25 de marzo de 2023
Para o gran partido da tempada, o derbi contra o Arenteiro, previsto para o vindeiro domingo ás 16.45 horas, a SD Compostela levará a cabo unha festa á altura do nivel do partidazo. O club ten preparada unha Fan Zone de CINEMA, patrocinada por Hyupersa Santiago, para animar o ambiente que rodeará a este encontro entre dous auténticos equipazos.
Desde as 13.00 horas e ata varias horas despois de finalizar o encontro, os seguidores branquiazuis, e tamén do Arenteiro, poderán gozar de todas as actividades programadas no aparcamento do Estadio Verónica Boquete de San Lázaro.
Entre elas, destacará a presenza da gran orquestra Cinema, encargada de amenizar a festa con dous pases, un previo ao encontro (ás 14.30 horas) e o segundo ao finalizar o mesmo (a partir das 19.00 horas). Deste xeito, unha das principais orquestras do país animará a todos para gozar do vermú, a comida, o café e mesmo a cea.
Ademais, no aspecto musical, estará tamén o DJ David Expósito desde as 13.00 horas, para que a festa comece co vermú.
Acompañando esta gran Fan Zone popular, e tendo como convidados os veciños do Carballiño, non podería faltar un pulpeiro. Así, animamos a todos a asistir ao Estadio ao mediodía, gozar dunha boa comida e quentar o partido cuns bos bailes.
A maiores, tamén teremos merchandising da SD Compostela á venda, para que todos se poidan equipar coas cores azul e branca, dando colorido a esta gran data.
Así mesmo, para que sexa un gran día para gozar en familia, haberá unha zona reservada para xogos infantís, co obxectivo de que os máis pequenos da casa tamén poidan pasalo en grande.
Con todos estes alicerces, e co apoio de Hyupersa Santiago, poderemos gozar dunha Fan Zone de CINEMA. Agardámosvos o vindeiro domingo para botar uns bailes no orquesteo, degustar un bo polbo e, como non, para animar ao Compos a por unha vitoria fundamental.
