- Os xogadores do Cadete A do Conxo Santiago participarán na Fase Final do Campionato de España
Santiago de Compostela, ao 28 de marzo de 2023
Dani Noya e Jorge Sálamo volven estar presentes nunha nova convocatoria da Selección Galega Sub16. Ambos xogadores, en categoría cadete, participarán na Fase Final do Campionato de España, que se disputará en Valencia, co obxectivo de revalidar o título autonómico.
Os futbolistas do Cadete A do CD Conxo Santiago estiveron presentes en todos os adestramentos e partidos disputados ata a data polo cadro rexional. Ademais, ambos tiveron unha gran presenza nos encontros das anteriores fases.
Cabe lembrar que Galicia chega ás semifinais nacionais tras superar a Fase Prata, celebrada en Adeje, e pasar a Fase Oro, disputada en Cádiz. Nesta segunda, na que se enfrontou a Madrid, País Vasco e Andalucía, logrou senllas remontadas épicas, nos últimos minutos, para conseguir o pase ás semifinais.
Agora mediranse á selección catalá, con Dani e Jorge no equipo, en busca do pase á gran final.
