O Compos cae contra o Real Avilés no duelo de playoff

9 de Abril de 2023
Jordan, no momento do golpeo co exterior que se escapou por moi pouco.
Martín dorido no céspede.
Pablo Antas conducindo o balón.
  • Os nosos perderon 2-0 en Asturias, pero seguen en postos de promoción

Santiago de Compostela, 9 de abril de 2023

O Compos non puido sumar ningún punto no duelo de playoff contra o Real Avilés Industrial. Os asturianos levaron o triunfo, no debut de Juan Carlos Andrés no banco da SD Compostela. Os goles de Natalio e Primo, un en cada parte, decidiron unha contenda na que os erros propios condenaron ao equipo branquiazul.

Juan Carlos Andrés estreábase no banco da SD Compostela cun choque de playoff. O Compos medíase ao Real Avilés, nun duelo que medía a dous equipos con momentos moi diferentes. Os locais, nun gran momento, iniciaban a contenda en cuarta posición, mentres que os nosos, tras varias semanas sen sumar o triunfo e despois dos encontros da xornada, arrincaban como quintos clasificados.

Para o partidazo, o novo técnico branquiazul introduciu só dúas novidades, Riki Mangana no carril dereito, polo sancionado Roque, e Darío, que volvía á punta do ataque, tras recuperarse da súa lesión e tamén trala baixa de Allyson.

Na estrea do adestrador vigués, o Compos saltou ao verde coa premisa de dominar a pelota e apertar alto para roubar en campo rival. Os branquiazuis, hoxe de vermello, saíron moi enchufados e foron os primeiros en avisar.

Ata en tres ocasións, os nosos rozaron o gol, xusto pasado o cuarto de hora. De falta, Parapar atopou unha manopla tremenda de Davo. No córner, Pablo Antas rematou de cabeza só no segundo pau, pero escapóuselle por pouco. E tralo saque de porta, a máis clara, posto que o Compos roubou en campo rival, forzou un tres para un contra o defensa, pero Jordan, con espazos, buscou a xogada individual, encarando cara a dentro e golpeando co exterior, e a súa boa acción escapouse por milímetros.

E do que puido ser o primeiro para os nosos, quen si abriron o marcador foron os locais. Xusto a continuación e tras desaproveitar as súas, o Real Avilés plantouse en área rival e golpeou con contundencia. O excompostelanista Primo gañouna en liña de fondo, utilizou o corpo para protexela e serviuna con forza ao centro da área para que Natalio, entrando desde atrás, definise ao fondo da rede.

Foi un duro golpe para os nosos, despois do seu bo inicio, con todo, non baixaron os brazos e seguiron coa mesma premisa de dominar. En tres córneres seguidos, os branquiazuis volveron a merodear a portería de Davo, aínda que a máis clara, antes do intermedio, teríaa Primo, nunha indecisión branquiazul que aproveitou o dianteiro para buscar o gol, pero Javi Jiménez, coa perna, desviouna a córner. Por iso, chegouse ao descanso coa vantaxe local, 1-0.

Á volta dos vestiarios, cos mesmos protagonistas, o Compos saíu coa mentalidade de loitar pola remontada, xa que o resultado non lle valía. Así, en tan só dous minutos, Parapar tivo o empate, cun remate de cabeza cruzado que se escapou por milímetros.

Tamén saíu enchufado o Avilés, quen puido anotar o segundo nunha xogada moi similar ao primeiro tanto, pero, nesta ocasión, Javi Jiménez, moi ben colocado, despexou o intento do dianteiro.

Con todo, na seguinte acción, erraba o Compos na saída de balón, concedendo un pase atrás que aproveitaba Primo para regatear ao porteiro, controlala antes de que saíse e marcar a portería baleira.

Outro duro golpe que puido ser menos un minuto despois, pero Darío, no man a man con Davo, chegou forzado e mandou fóra a ocasión, que se volveu a escapar por moi pouco.

Con todo, esas dúas accións continuadas afectaron aos nosos, custando cada vez máis achegarse á área de Davo, mentres que os locais, con plena confianza, saían á contra con moito perigo. Nunha delas, Isi Ros, entrando desde a esquerda, mandouna ao pau. Tamén Natalio tería a súa, rematando fóra un balón golpeado con forza no rexeite dun saque de esquina.

Tras ese ida e volta, cos cambios, o partido entrou nunha fase na que o Real Avilés soubo durmir o partido, deixando pasar os minutos sen que pasase nada. Así chegouse ao final sen apenas perigo nas áreas.

Final 2-0 e o Compos que deberá traballar, unha semana máis, para saír do mal momento de resultados que o asexa. O vindeiro domingo ás 12.00 horas, ante o Palencia Cristo Atlético, nova oportunidade para resarcirse.

FICHA TÉCNICA

2 – REAL AVILÉS INDUSTRIAL: Davo; Javi Fontán, Mayorga, Morcillo, Iván Serrano; Edu Cortina; Jorge (Javi Rey, m.78), Natalio (Juan López, m.78), Espina (César García, m.69), Isi Ros; e Primo (Alorda, m.83).

0 – SD COMPOSTELA: Javi Jiménez; Riki Mangana, Álvaro Casas, Pablo Crespo, Martín (Kike, m.60); Samu, Pablo Antas; Parapar (Elliot, m.76), Jordan (Jaime Santos, m.67), Mario Rodríguez; e Darío (Cano, m.67).

GOLES: 1-0: Natalio, min.20; 2-0: Primo, min.51.

ÁRBITRO: García Presa (Castela e León). Amoestou a Jorge e Isi Ros, polo Real Avilés; e a Martín e Pablo Crespo, polo Compos.

INCIDENCIAS: Estadio Román Suárez Puerta (Avilés). Xornada 29 do Grupo 1 da Segunda RFEF disputado ante máis de 2.000 espectadores. Entre eles, máis de medio centenar de seguidores da SD Compostela.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

3 days ago

SD Compostela
👏 @samurodriguez14, #JugadorCincoEstrellas da SD Compostela 23.24 🩵🤍🏆 O capitán, cos votos da afección en Twitter, foi elixido como o xogador máis destacado da tempada, logo de ser fundamental na segunda volta🤝 @futbolmahou 🍻 ... See MoreSee Less
Ver en Facebook

4 days ago

SD Compostela
Hoxe temos de aniversario ao noso míster 🩵🤍🎂 Moitos parabéns, Antón!🙌 Que veña un ano cheo de éxitos e que os desfrutemos xuntos! ... See MoreSee Less
Ver en Facebook

4 days ago

SD Compostela
Nova SEDE dos Campus Xacobeos! Prezo subvencionado para os empadroados en O Pino e Touro grazas ao noso patrocinador Proxecto Touro - Cobre San Rafael#CampusXacobeosOs 𝐦𝐞𝐥𝐥𝐨𝐫𝐞𝐬 𝐂𝐚𝐦𝐩𝐮𝐬, os do 𝐂𝐨𝐦𝐩𝐨𝐬 🩵🤍🙌🏻 Nova sede! Desta vez en 𝐓𝐨𝐮𝐫𝐨, do 8-19 de Xullo!🤝 Grazas a @cobresanrafael, os/as nenos/as empadroados en Touro e O Pino pagarán 30€ polas 2 semanas do #CampusXacobeos✍🏻 Inscríbete na ligazón da nosa bio! ... See MoreSee Less
Ver en Facebook

5 days ago

SD Compostela
Hoxe está de aniversario o noso capitán e candidato ao #JugadorCincoEstrellas, Samuel Rodriguez Noya 🩵🤍🎂 Moitos parabéns, Samu! ... See MoreSee Less
Ver en Facebook

All contents © copyright SD Compostela. All rights reserved.