- A inscrición para o autocar está aberta ata o xoves ás 19.00 horas no formulario https://bit.ly/BusValladolid
- Esta nova iniciativa realízase grazas á colaboración do Mercado da Galiciana e a Discoteca Ruta
Santiago de Compostela, 17 de abril de 2023
Súbete ao autobús do Compos e anima aos nosos nesta recta final da liga. A SD Compostela pon ao dispor dos seus abonados un novo autobús gratuíto para poder apoiar ao equipo en Valladolid. A inscrición para o autocar estará aberta ata o xoves, ás 19.00 horas, no seguinte formulario: https://bit.ly/BusValladolid.
Esta nova iniciativa, que se suma ás xa realizadas con anterioridade, lévase a cabo grazas á colaboración do Mercado da Galiciana e á Discoteca Ruta. Co seu apoio, lánzase un autobús de 55 prazas para apoiar ao Compos no duelo decisivo deste domingo, ás 12.00 horas nos Anexos ao Estadio José Zorrilla, contra o Real Valladolid Promesas.
Saída do autobús para os abonados da SD Compostela.
Do mesmo xeito que na última ocasión, será preciso cubrir o 80% das prazas ofertas para que o autocar saia adiante. Ao ser encontro matinal, a saída do bus está prevista para as 5.30 horas da madrugada, desde a Porta 1 do Estadio Verónica Boquete de San Lázaro. Pola súa banda o regreso está previsto para as 16.00 horas, co obxectivo de deixar tempo para a comida, chegando á capital galega sobre as 21.15 horas.
Cabe citar que, para reservar a praza no autobús, tan só fai falta cubrir os datos que se requiren no formulario, xa que automaticamente se asigna un asento para o mesmo.
Así mesmo, sinalar tamén que o desprazamento non inclúe a entrada ao partido. Esta deberá comprarse no despacho de billetes do campo de fútbol, cun prezo de 10€.
Deste xeito, o club busca que os nosos estean arroupados nun novo encontro de playoff, no que se medirá o cuarto e quinto clasificado, ambos separados por un só punto. Quedan catro partidos e o Compos quere achegarse á clasificación para o playoff. Súbete ao Bus do Compos!
