-
As inscricións debedes realizalas na ligazón https://bit.ly/BusaTarazona
-
Para confirmar a praza no autobús debedes mercar tamén a entrada do partido de playoff na Oficina ou na Tenda (dispoñibles a partir de mañá).
- O desprazamento será gratuíto para todos os que o desexedes, grazas ao apoio do Concello de Santiago
Santiago de Compostela, 23 de maio de 2023
A SD Compostela non estará soa en Tarazona. Co apoio do Concello de Santiago, quen o desexedes poderedes viaxar en autobús á localidade aragonesa. O sábado, ás 20.15 horas, o Compos xógase o pase á seguinte rolda do playoff no Municipal de Tarazona e necesita o maior apoio posible para conseguir o seu obxectivo.
Para facer posible este reto, o Concello fretará os autobuses necesarios para que os afeccionados compostelanistas poidades estar presentes neste partidazo. A inscrición para os autocares debe realizarse na seguinte ligazón: https://bit.ly/BusaTarazona.
A data límite para que vos anotedes nos autobuses será este xoves ás 20.00 horas.
Debes confirmar a praza no autobús comprando a entrada para en Santiago (xa na Tenda e na Oficina).
Cabe destacar que as prazas están abertas a tódolos que o desexedes. Para realizar a inscrición, bastará con que cumprimentedes os datos no formulario. Automaticamente, terás a túa praza reservada, pero non confirmada.
Para confirmar a praza no autobús terás que retirar a túa entrada nas Oficinas do club, abertas de luns a venres, de 10.00 a 13.00 horas e de 16.00 a 20.00 horas; ou na Tenda Oficial da Rúa dá Raíña, aberta todos os días desde as 10.30 ata as 20.30 horas.
Finalmente, a SD Tarazona dispensa 200 entradas á SD Compostela, as cales deberán adquirirse en Santiago, e xa están dispoñibles. O prezo da entrada é de 20€ para adultos e de 8€ para menores de 12 a 18 anos.
Se non queres viaxar en autobús, pero si estar en Tarazona, as entradas para o partido tamén as podes adquirir na Oficina ou na Tenda.
A data límite para adquirir as entradas é o venres ás 13.00 horas.
Horarios do desprazamento.
Co obxectivo de que o viaxe se realice da forma máis amena posible, chegando con antelación suficiente á localidade aragonesa, os autobuses da SD Compostela partirán ás 8.15 horas desde a Porta 1 do Estadio Verónica Boquete de San Lázaro, con parada para comer no camiño. A hora de chegada prevista ao Municipal de Tarazona é ás 18.30 horas, aproximadamente.
Pola súa banda, o regreso será unha vez finalizado o encontro, tendo prevista a chegada á capital galega arredor das 7.00 horas do domingo.
Apoia aos nosos en Tarazona e axúdanos a continuar neste camiño polo ascenso. Este sábado temos outra final e será necesario o apoio de todos para superala. Todos xuntos, seguiremos adiante na pelexa polo noso obxectivo.
