-
Pablo Crespo, capital no centro da zaga do Compos este ano, prolonga o seu contrato ata 2025
Santiago de Compostela, 14 de xuño de 2023
Pablo Crespo seguirá dúas tempadas máis vestido de branquiazul. O central zurdo renovou o seu contrato coa SD Compostela, ampliándoo ata 2025. Capital no eixo da zaga durante toda esta campaña, o defensor cántabro seguirá liderando ao equipo co obxectivo de pelexar polo ascenso á Primeira RFEF.
No seu primeiro ano no Compos, Pablo Crespo demostrou esas calidades que o definen como un dos defensores máis destacados da categoría. A súa xerarquía, capacidade no xogo aéreo, experiencia, así como a súa gran saída de balón, foron fundamentais ao longo deste pasado ano.
Deste xeito, pechou a pasada tempada con 29 encontros disputados, todos eles como titular, para un total de 2.538 minutos de xogo. Ademais, anotou un gol, curiosamente, no seu debut oficial na Liga coa SD Compostela.
Ese gran rendemento na defensa fixérono merecedor da candidatura para o Jugador Cinco Estrellas da campaña. Un nivel moi alto que tentará seguir mostrando no Estadio Verónica Boquete de San Lázaro.
