-
Parapar renova o seu compromiso coa SD Compostela ata 2024
Santiago de Compostela, 21 de xuño de 2023
Juan Manuel Parapar seguirá vestindo a camiseta da SD Compostela unha tempada máis. O extremo coruñés amplía a súa vinculación ata 2024, polo que cumprirá a súa terceira campaña como xogador branquiazul.
Nestes dous cursos na capital galega, Parapar demostrou ser un xogador diferencial na categoría, cunha gran capacidade de desequilibrio desde a banda. Esta calidade permítelle intimidar aos rivais, tanto co seu magnífico golpeo como coa posibilidade de chegar a liña de fondo e nutrir de pases aos seus compañeiros.
Deste xeito, o atacante seguirá ampliando os seus números no Compos, co que leva disputados 51 encontros, 29 o primeiro ano e 32 o pasado. Nesta última campaña, xogou un total de 1.500 minutos, cun rendemento de menos a máis, sendo peza fundamental no tramo final do ano. Así, pechou a tempada cun gol, unha obra de arte lograda contra o Marino de Luanco de Manel Menéndez, e oito asistencias.
Por tanto, a bancada do Vero Boquete poderá seguir gozando unha campaña máis dos caneos de Parapar.
