Antón Permuy, novo adestrador do Xuvenil A de a SD Compostela

22 de Xuño de 2023
Antón Permuy, novo adestrador do Xuvenil A do Compos
  • Antón Permuy leva catorce anos nas categorías inferiores do CD Conxo

Santiago de Compostela, 22 de xuño de 2023

Antón Permuy Rivas é o novo adestrador do Xuvenil A da SD Compostela para a Tempada 2023/24. O técnico santiagués, cunha amplísima experiencia no fútbol base compostelán, tomará as rendas do principal equipo da Canteira Picheleira co obxectivo de seguir afianzando ao equipo na División de Honra, así como formar xogadores para o filial e o primeiro equipo do Compos.

Antón Permuy chega ao Xuvenil A do Compos tras 14 anos formando parte das categorías inferiores do CD Conxo Santiago. Comezou en 2009 como técnico en Fútbol-8 e desde aquela foi pasando por toda a estrutura do equipo santiagués.

Desde 2012 exerce como adestrador de Fútbol-11, dirixindo aos principais equipos da base do Conxo. Así mesmo, tamén actuou como Coordinador Deportivo durante dous anos e mesmo dirixiu ao equipo sénior, na Segunda Autonómica, tamén durante dúas campañas.

Nestes últimos anos, Antón Permuy compaxinou, en primeiro lugar, o Infantil de Liga Galega co Cadete de División de Honra do Conxo; e, desde 2021, o mesmo infantil co Xuvenil de Liga Nacional.

No Infantil A, nestes dous últimos cursos, conseguiu un histórico ascenso á División de Honra e certificou unha gran tempada na máxima categoría. Pola súa banda, co Xuvenil do Conxo quedou, en 2022, a un só punto do ascenso a División de Honra, mentres que esta campaña logrou a permanencia con varias xornadas de antelación.

Así mesmo, cabe destacar tamén que a súa labor de adestrador compaxínaa cos Campus de Verán. Deste xeito, cada período estival, desde fai dez anos, exerce como técnico nos Campus de Tecnificación que celebra o Atlético de Madrid por toda Galicia. E, desde este mes de xuño, desenvolverá a súa actividade nos Campus Xacobeos do Compos.

Ademais, é un dos fundadores da empresa Fútbol de Banquillo, especializada na formación e perfeccionamento de adestradores.

Por todo iso, froito desa gran experiencia e da súa recoñecida bagaxe, Antón Permuy é un dos técnicos novos con maior progresión no fútbol base compostelán.

Benvido e moita sorte, Antón!

Youtube

Instagram Compos

Facebook

6 hours ago

SD Compostela
🎂 Hoxe está de aniversario o noso encargado do material, Edgar Piñeiro Mendez-benegassiMoitos parabéns, Edgar!! 🩵🤍📸 Nacho Castaño ... See MoreSee Less
Ver en Facebook

22 hours ago

SD Compostela
🎙️ Carlos de Lerma | #composourenseO técnico do Compos analizou a derrota no derbi, nun encontro no que os nosos, como valorou o adestrador, non estiveron finos no último terzo do campo ... See MoreSee Less
Ver en Facebook

23 hours ago

SD Compostela
🔚 FINALCOMPOS 0️⃣-1️⃣ Ourense CFHoxe non foi o día! Ráchase a xeira de encontros sen perderGRAZAS AFECCIÓN por apoiarnos ata o final, pese ao resultado 👥🩵🤍📸 Nacho Castaño#composourense ... See MoreSee Less
Ver en Facebook

24 hours ago

SD Compostela
⏸️ DESCANSOCOMPOS 0️⃣-0️⃣ Ourense CF Tempo de lecer tras unha primeira parte de moito control, pero sen grandes oportunidades📸 Nacho Castaño #composourense ... See MoreSee Less
Ver en Facebook

1 day ago

SD Compostela
🥇🚴‍♀️ Esta tarde homenaxeamos a Alejandra NeiraA campioa do Mundo 🌈 en Ruta e de Europa 🇪🇺 en CRI fixo o saque de honra no derbiMoitos parabéns, Alejandra! 👏📸 Nacho Castaño #composourense ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.