- O club agradécelles o seu compromiso aos tres
Santiago de Compostela, 22 de xuño de 2023
Jorge Cano, Allyson e Javi Jiménez non continuarán na SD Compostela a próxima tempada. O club comunicoulles aos tres a súa decisión, agradecéndolles o traballo realizado polo ben do Compos na súa etapa como xogadores branquiazuis.
Jorge Cano e Allyson chegaron ao Compos o pasado verán. O atacante coruñés fíxoo procedente do Bergantiños, disputando un total de 35 encontros na campaña, nos que anotou tres goles. Pola súa banda, o dianteiro brasileiro, lastrado polas lesións, puido participar en doce encontros, marcando un tanto. Por último, Javi Jiménez, que aterrou na capital galega unha vez iniciada a tempada, defendeu a portería da SD Compostela nun total de oito encontros.
Moitas grazas e moita sorte para o futuro!
