-
Roque deixa o club tras tres grandes tempadas
Santiago de Compostela, 24 de xuño de 2023
Roque González non continuará na SD Compostela a próxima tempada. O lateral compostelán emprenderá un novo reto na súa carreira deportiva, polo que decidiu non renovar co Compos tras tres grandes tempadas, a primeira en xuvenís e as dous seguintes co primeiro equipo.
O canteirán compostelanista deixa atrás unha etapa moi enriquecedora, na que conseguiu facerse un oco no primeiro equipo da SD Compostela. Desde a súa chegada á capital procedente do Deportivo, o seu crecemento foi continuo.
No seu primeiro curso, aínda en idade xuvenil, lograba o ascenso a División de Honra co Xuvenil A e, a maiores, tras varias convocatorias, conseguía debutar co Compos no último partido de liga na Segunda B.
Ao ano seguinte, con ficha de filial, conseguiría facerse un oco no primeiro equipo despois dunha gran pretempada. Como xogador de pleno dereito, disputou un total de 29 encontros, 26 deles como titular, para un total de 2.333 minutos.
E esta pasada campaña, xa asentado no Compos, volvería contar cunha gran presenza no once, alternando ambos laterais e mesmo xogando como interior. En total, pechou o ano con 32 partidos disputados, todos menos un coma titular, para 2.746 minutos de xogo, nos que ademais anotou un gol.
Por todo iso, a SD Compostela agradécelle todo ese compromiso e esforzo polo ben do club, desexándolle a maior das sortes para ese novo reto deportivo que emprenderá.
Esta, sempre será a túa casa, Roque.
