A SD Compostela xa coñece o seu calendario para a Tempada 23.24

20 de Xullo de 2023
Calendario 23.24 do Compos
  • Calendario: o Compos arrincará en Luanco e estrearase na casa na xornada 2, contra a Arandina

Santiago de Compostela, 20 de xullo de 2023

A SD Compostela xa coñece o seu camiño na Segunda RFEF para a Tempada 2023.24. Os nosos arrincarán a liga en terras asturianas, ante o Marino de Luanco, a primeira fin de semana de setembro, e estrearanse na casa, contra a Arandina, a semana seguinte. Pola súa banda, a competición ligueira terminará a primeira fin de semana de maio, nunha xornada 34 na que se medirán ao Raio Cantabria, en Santander.

Casualmente, o Compos de Manel Menéndez iniciará a liga no Estadio Municipal de Miramar, un campo que coñece moi ben o novo técnico branquiazul, pois dirixiu ao equipo local estas tres últimas campañas.

Pola súa banda, a estrea no Estadio Verónica Boquete de San Lázaro será na fin de semana do 9 e 10 de setembro contra un recentemente ascendido, a Arandina. E na xornada 3, nova saída a Asturias e outro debutante na categoría, o Covadonga.

Para pechar setembro e iniciar outubro, o Compos terá unha dobre cita na casa, sete días nos que tamén chegará o primeiro derbi. O 24 de setembro o Zamora visitará a capital galega e o 1 de outubro o Ourense.

Con este último duelo iniciarase unha etapa de derbis, posto que os nosos enfrontaranse, de maneira consecutiva, ao Deportivo Fabril, en Abegondo; e ao Racing Villalbés, na casa. Para pechar o mes de outubro, tocará visitar ao Ximnástica de Torrelavega e recibir ao Valladolid Promesas.

Xa en novembro, o Compos visitará ao Langreo, recibirá ao Cayón, viaxará a Guijuelo e recibirá na casa ao Coruxo.

E para iniciar decembro, outro derbi, esta vez contra o recentemente descendido Pontevedra que dirixe Yago Iglesias, en Pasarón. Ademais, antes do parón do Nadal, os nosos recibirán ao Oviedo Vetusta e despedirán o 2023 contra o Real Avilés Industrial.

Para culminar a primeira volta, xa en 2024, os nosos enfrontaranse no Vero Boquete ao Raio Cantabria, na fin de semana de Reis. Curiosamente, será o mesmo encontro co que comezamos en 2023.

Pola súa banda, para a segunda volta manterase a orde de encontros, comezando na casa, o 14 de xaneiro, contra o Marino de Luanco.

Por esta orde, sen ningún parón, os encontros serán os seguintes: Arandina (visitante), Covadonga (casa), Zamora (visitante), Ourense (visitante), Fabril (casa), Villalbés (visitante), Ximnástica (casa), Valladolid Promesas (visitante), Langreo (casa), Cayón (visitante), Guijuelo (casa), Coruxo (visitante), Pontevedra (casa), Oviedo Vetusta (visitante), Real Avilés (casa) e Raio Cantabria (visitante).

 

Manel Menéndez valora o calendario do Compos.

Tras coñecer o calendario, Manel Menéndez expresou o seu sentir sobre a composición de encontros, destacando ese primeiro duelo, especial para el.

“Visitar ao Marino na primeira xornada, para min, será volver a casa, despois de tres anos alí. Será emotivo e valóroo positivamente. Ademais, xogar os primeiros partidos en Luanco sempre é mellor, porque co inverno o campo non está nas mellores condicións. Será difícil, porque os inicios son difíciles sempre, sexa na casa ou fóra e contra calquera rival. O importante é empezar ben, comezar sumando, sabendo contra quen nos enfrontaremos. Hai que traballar duro para chegar ben a ese inicio e nada máis.

Youtube

Instagram Compos

Flickr Amadeo Rey

  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1
  • COMPOSTELA- 0 ZAMORA- 1

Instagram Canteira

Twitter Canteira

Facebook

1 day ago

SD Compostela
Centrados xa en superar o seguinte reto 💙🤍💪 XUNTOS, BUSCAREMOS O TRIUNFO ESTE DOMINGO NA CASA!!!📸 𝐉𝐞𝐬𝐮́𝐬 𝐅𝐢𝐠𝐮𝐞𝐫𝐨𝐚 | Fílmate Estudio Fotográfico y Audiovisual#composourense ... See MoreSee Less
Ver en Facebook

2 days ago

SD Compostela
𝑹𝑬𝑺𝑼𝑳𝑻𝑨𝑫𝑶𝑺 𝑪𝑨𝑵𝑻𝑬𝑰𝑹𝑨 𝑷𝑰𝑪𝑯𝑬𝑳𝑬𝑰𝑹𝑨 💙🤍⚽️ Resultados e clasificación para os equipos da base da SD Compostela, que nos trae Milongas Parrillada, tras unha gran fin de semana para os nosos!!!#CanteiraPicheleira ... See MoreSee Less
Ver en Facebook

2 days ago

SD Compostela
💙🤍 UNHA NOVA REVÁLIDA CO PRIMEIRO DERBI DA TEMPADA!!!🆚 Ourense CF 🗓️ 01.10.23⏰ 19.00🏟️ Estadio Vero Boquete🤝 𝐏𝐚𝐭𝐫𝐨𝐜𝐢𝐧𝐚 Auchan 🎟️ Entradas 👉 bit.ly/EntradasvsOurense🙌 LOITAREMOS CON TODO PARA QUE OS PUNTOS QUEDEN NA CASA!!!#composourense #unnovocamiño ... See MoreSee Less
Ver en Facebook

2 days ago

SD Compostela
🎫 O número premiado da Rifa de onte foi o 0265!👕 Gaña unha camiseta de adestramento da SD Compostela, a retirar na Tenda Oficial!📢❌ Non se puido anunciar pola megafonía do Estadio durante o partido, xa que se volveu estropear!#composzamora ... See MoreSee Less
Ver en Facebook

2 days ago

SD Compostela
⚔️ 𝐏𝐋𝐀𝐍 𝐒𝐄𝐌𝐀𝐍𝐀𝐋 ⚔️💪 TOCA LEVANTAR CABEZA E IR A POLO PRÓXIMO OBXECTIVO!!!⚽️ Comeza xa a semana para os nosos, que prepararán o derbi contra o Ourense CF con cinco sesións de adestramento!!! #composourense ... See MoreSee Less
Ver en Facebook

All contents © copyright SD Compostela. All rights reserved.