-
Vecho dirixirá ao Filial do Compos na Preferente Galicia
Santiago de Compostela, 27 de xullo de 2023
Antonio Ríos Cortés, máis coñecido no mundo do fútbol como ‘Vecho’, será o adestrador do Sigüeiro FC para esta Tempada 23.24. O técnico do Barbanza chega ao noso Filial co obxectivo de impulsar o proxecto loitando, un ano máis, no Grupo Norte da Preferente Galicia.
Vecho conta cunha gran experiencia no fútbol galego, tanto en equipos sénior como en categorías inferiores.
Nesta última campaña, o técnico acadou o ascenso á Primeira Galicia coa SD Valiño Cabo da Cruz, tras un gran ano.
Ademais, formou parte, no último tramo da tempada, do corpo técnico da SD Compostela, sendo o preparador físico do conxunto branquiazul nos últimos meses de competición.
Anteriormente, Vecho foi 1° adestrador do CD Boiro e do Mesón do Vento CF, en Preferente Galicia; e do CD Unión e do Puebla CF na 1ª Galicia.
Do mesmo xeito, formou parte de equipos técnicos nas categorías inferiores do RC Deportivo da Coruña; no CCD Cerceda, en 3ª División; e na Selección Galega Sub-18.
