A ilusión polo novo Compos desborda o Vero Boquete nunha xornada histórica

9 de Agosto de 2023
VII Memorial Antonio Bermúdez, imaxe do Vero Boquete
Bancada de tribuna chea no partido do Compos contra o Celta
A ilusión polo novo Compos encheu a bancada de Preferencia, onde ambas afeccións animaron aos seus
  • O VII Memorial Antonio Bermúdez disputado contra o RC Celta de Vigo rexistrou a mellor entrada dos últimos 5 anos.

  • Unha cidade ilusionada envórcase co Compos na súa nova etapa, conseguindo case 1000 abonados en 10 días.

Santiago de Compostela, 9 de agosto de 2023

O Estadio Verónica Boquete de San Lázaro viviu onte unha xornada que perdurará na retina dos afeccionados durante moito tempo. O partido ante o RC Celta de Vigo congregou a 4000 afeccionados que vibraron cun gran partido de fútbol, e é que desde o ano 2018 non se rexistraba unha entrada así no estadio compostelán.

A espectacular resposta da cidade ao novo e prometedor proxecto da SD Compostela queda reflectida no gran éxito da Campaña de Abonados. Case un milleiro de afeccionados xa formalizaron o seu abono para a Temporada 23.24, sumándose a este ilusionante “Novo Camiño”, que se inaugurou cun público entregado na xornada de onte.

 

Agradecementos polo éxito do VII Memorial Antonio Bermúdez.

 

Desde a SD Compostela queremos agradecer a todos aqueles que fixeron posible a inesquecible xornada de onte:

  • En primeiro lugar, queremos mostrar o noso agradecemento á afección. Nin as altas temperaturas nin as datas estivais foron impedimento para que se superasen todas as previsións de afluencia ao partido. A nosa afección é o noso maior activo e onte demostrouse que o amor polo Compos está máis vivo que nunca.
  • Especial agradecemento ao RC Celta de Vigo. Desde a SD Compostela queremos expresar a nosa máis sincera gratitude ao club olívico pola súa inestimable colaboración para facer deste partido, un evento inesquecible. A directiva, xogadores, corpo técnico e persoal do club demostran así por que o Celta de Vigo é un club referente no mundo do fútbol.
  • Recoñecemento especial a Cobre San Rafael, patrocinador deste encontro, quen unha vez máis reafirmou o seu sólido compromiso co noso club e o seu continuo desenvolvemento.
  • Por suposto, á familia Bermúdez, por seguir camiñando da man da SD Compostela neste Memorial que rende homenaxe á destacada figura do noso querido Antonio Bermúdez.
  • Aos medios de comunicación, que durante os últimos días cubriron con moito agarimo un torneo que non deixa de crecer, e que axudaron a que a ilusión por este novo Compos vaia en aumento.
  • E, por último, o noso recoñecemento esténdese a todas as persoas que dedicaron o seu esforzo para facer posible a xornada de onte. Desde os directivos e traballadores do club, ata os colaboradores do Concello de Santiago, o persoal encargado da seguridade e control de acceso, os servizos de emerxencia, Protección Civil e os membros da Policía Nacional e Local, entre outros.

Tal e como proclama a nosa Campaña de Abonados, este é o comezo de “Un Novo Camiño”. Que o día de onte fose o punto de partida dunha tempada que, sen dúbida, deparará grandes alegrías á nosa cidade.

Youtube

Instagram Compos

Flickr Amadeo Rey

  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1
  • COMPOSTELA- 3 AVILES- 1

Instagram Canteira

Twitter Canteira

Facebook

1 day ago

SD Compostela
XA EN MARCHA A CAMPAÑA DE ABONOS DO COMPOS 🩵🤍🙌 Faino online, na Oficina ou na Tenda Oficial ✍️ Link na Bio e nas Historias Destacadas#quérotecompos ... See MoreSee Less
Ver en Facebook

1 day ago

SD Compostela
XA EN MARCHA A CAMPAÑA DE ABONOS DO COMPOS 🩵🤍🙌 Faino online aquí 👇✍️ sdcompostela.compralaentrada.com#quérotecompos ... See MoreSee Less
Ver en Facebook

3 days ago

SD Compostela
𝐏𝐑𝐄𝐓𝐄𝐌𝐏𝐀𝐃𝐀 𝟐𝟒.𝟐𝟓 ⚽️ Confirmado un novo amigable de verán para os nosos🏆 I Trofeo Mercado La Galiciana 🆚 Club Deportivo Arenteiro 🗓️ 26 de xullo🏟️ Baltar ⌚️ 19.30#PretempadaCompos ... See MoreSee Less
Ver en Facebook

4 days ago

SD Compostela
Jaime Santos non seguirá na SD Compostela Moitas grazas polo teu compromiso e traballo e moita sorte para o futuro✍️ sdcompostela.com/2024/07/12/jaime-santos-despedida-sd-compostela/ ... See MoreSee Less
Ver en Facebook

5 days ago

SD Compostela
SD Compostela's cover photo ... See MoreSee Less
Ver en Facebook

All contents © copyright SD Compostela. All rights reserved.