-
O Compos agradécelle o seu traballo e deséxalle a maior das sortes a Martín Salvador para o seu futuro
Santiago de Compostela, 31 de agosto de 2023
Martín Salvador non continua na SD Compostela. O club e o xogador decidiron rescindir, de mutuo acordo, o contrato que os vinculaba ata 2024.
A SD Compostela agradécelle a Martín o seu traballo e compromiso durante esta pasada campaña, así como durante a pretempada actual. O seu esforzo polo ben do Compos foi encomiable, sempre predisposto ás necesidades do club.
Na súa campaña en Compostela, Martín Salvador disputou un total de 13 encontros oficiais, seis deles partindo desde o once inicial, para un total de 531 minutos de xogo.
Desde a SD Compostela queremos desexarche a maior das sortes para o teu futuro, tanto desde o punto de vista futbolístico coma persoal.
Moitas grazas e moita sorte, Martín!
