-
O club tamén acordou o cesamento de Cardeñosa e Pablo Fernández como segundo adestrador e preparador físico
Santiago de Compostela, 15 de outubro de 2023
A Sociedade Deportiva Compostela acordou esta tarde o cesamento de Manel Menéndez como adestrador do Compos. O club tomou a decisión tralos malos resultados deste inicio ligueiro na Segunda RFEF.
Así mesmo, o club tamén acordou o cesamento de José Manuel Rodríguez ‘Cardeñosa’ como segundo adestrador, así como o de Pablo Fernández como preparador físico.
A SD Compostela quere agradecer a Manel, Carde e Pablo o seu compromiso, traballo e dedicación polo ben do equipo desde o banco. Ademais, deséxalles moita sorte para o seu futuro.
Antón Permuy e Dani Gesto adestrarán mañá ao Compos
A SD Compostela xa traballa na procura dun substituto que tome o mando do banco do Compos.
Mentres tanto, de forma interina, Antón Permuy y Dani Gesto, primeiro e segundo adestrador do Xuvenil A da SD Compostela, serán os encargados de dirixir o adestramento de mañá luns.
