Cobre San Rafael patrocinará a Canteira Picheleira

24 de Outubro de 2023
Cobre San Rafael patrocina aos equipos da Canteira Picheleira
Dende a esquerda: Fernando Riopa, de Cobre San Rafael; Miguel Fernández, da SD Compostela; e Pablo Núñez, de Cobre San Rafael.
  • Cobre San Rafael potencia o seu compromiso coa base, patrocinando a todos equipos da Canteira Picheleira, apostando por fomentar os valores positivos do fútbol

Santiago de Compostela, 24 de outubro de 2023

No seu compromiso co proxecto da SD Compostela, que mantén moi presente desde decembro de 2018, a partir de agora Cobre San Rafael orienta o seu apoio cara á Canteira Picheleira, un dos grandes valores do club.

A partir do mes de novembro, Cobre San Rafael patrocinará a todos os equipos da Canteira Picheleira, incluíndo aos conxuntos da SD Compostela e do CD Conxo Santiago. Trátase, polo tanto, dun fortalecemento desa aposta da compañía por fomentar o deporte base e os valores positivos que rodean ao fútbol, apoiando aos máis de 500 xogadores que compoñen a Canteira.

Precisamente, ese compromiso pola práctica futbolística desde idades temperás foi sempre un nexo de unión entre ambas entidades. Nesta liña, o apoio de Cobre San Rafael foi vital para a realización de diferentes proxectos e actividades, tanto deportivas como sociais, fomentando tamén os valores de igualdade entre nenas e nenos.

Deste xeito, o seu apoio ao fútbol base impúlsase con este patrocinio da Canteira Picheleira, que estará vixente, nun primeiro momento, ata xuño de 2025. Así, os equipos levarán a súa imaxe nas camisetas de xogo da primeira e segundo equipamento. Máis de 500 xogadores sentiranse arroupados por Cobre San Rafael nos seus encontros por toda Galicia.

Este acordo, abarca o patrocinio dos 18 equipos do CD Conxo Santiago e de 16 SD Compostela, coa única excepción do equipo xuvenil de División de Honra e do equipo que actualmente compite na 2ª RFEF.

Seguirá impulsando os Campus Xacobeos no verán e as visitas a centros educativos de Santiago e comarca

Do mesmo xeito que neste pasado verán, Cobre San Rafael seguirá sendo o patrocinador principal dos Campus Xacobeos, sendo clave este apoio para poder continuar coa súa organización. Ademais, tamén manterá a súa colaboración co club para a realización de visitas a centros educativos de Santiago de Compostela e comarca.

Desde a SD Compostela non podemos máis que agradecer o gran labor que, máis aló do deporte, impulsa cada ano Cobre San Rafael. O espírito de colaboración, de promoción de valores como equipo, de igualdade, que tan necesarios son hoxe en día, merecen un gran recoñecemento do equipo, da súa afección e de toda a cidadanía que se beneficia dunha forma ou doutra desta gran colaboración.

 

Youtube

Instagram Compos

Facebook

13 hours ago

SD Compostela
🙌🫂 Mañá, todos ao Vero Boquete de San Lázaro!💪 Podemos conseguir o triunfo no derbi entre todos🏟️ Queremos seguir de doce e sumar un +3⃣ na nosa casa! 📸 Nacho Castaño #composourense ... See MoreSee Less
Ver en Facebook

2 days ago

SD Compostela
🏅🚴‍♀️ Orgullo de Compostela!Alejandra Neira, campioa do Mundo en Ruta e de Europa en CRI en categoría Junior, será homenaxeada este domingo no Vero Boquete⚽️ A ciclista compostelá fará o saque de honra no derbi contra o Ourense CF #composourense ... See MoreSee Less
Ver en Facebook

2 days ago

SD Compostela
🔥🩵🤍 PREVIAO Compos buscará dar un golpe de autoridade na casa e confirmar así a súa boa dinámica 🗓️ Os nosos recibirán o domingo ás 17 horas ao Ourense FC co obxectivo de prolongar o gran momento do equipo, con 13 puntos obtidos dos últimos 15 posiblesPor primeira vez no que vai de tempada, Carlos de Lerma terá á súa disposición aos 24 membros do plantel📸 Nacho Castaño #composourense ... See MoreSee Less
Ver en Facebook

2 days ago

SD Compostela
🎙️ Previa Carlos de Lerma | Xornada 11🩵🤍 O técnico do Compos destacou que ten a todo o plantel, que seguen co debe de darlle á afección unha alegría na casa e analizou as claves para poder conseguir o triunfo no derbi#composourense ... See MoreSee Less
Ver en Facebook

CONTACTO

sdcompostela@sdcompostela.com

981 57 70 41

Av. de Fernando de Casas Novoa, 20, 15707 Santiago de Compostela, A Coruña.

 

All contents © copyright SD Compostela. All rights reserved.