-
O lateral, que se incorporará mañá aos adestramentos, firma ata final de campaña
Santiago de Compostela, 30 de novembro de 2023
Un agasallo do Nadal anticipado: Roque González está de volta. O canteirán compotelanista, con ficha sub23, regresa á SD Compostela. O lateral, que asinou esta tarde o seu novo contrato, firma ata final de tempada.
Roque atopábase libre polo que era unha oportunidade de mercado que non desaproveitou o Compos. A SD Compostela faise cos servizos dun xogador moi querido pola afección, un futbolista que o deixou todo no campo defendendo as cores branquiazuis, un reforzo de calidade para a banda e a defensa compostelanista.
Roque incorporarase mañá mesmo aos adestramentos, aínda que a súa inscrición non se poderá producir ata a apertura do mercado de inverno, o próximo 1 de xaneiro. Por tanto, terá un mes para aclimatarse ao equipo e a Michel Alonso.
Destacar que na súa etapa como compostelanista, disputou 62 encontros oficiais co primeiro equipo. A iso, hai que sumar as súas dúas campañas no Xuvenil A, co que logrou o ascenso a División de Honra.
Benvido de novo á túa casa, Roque.
