-
O Cayón levou os tres puntos tras superar a un Compos que atravesa un mal momento
Santiago de Compostela, 24 de marzo de 2024
A SD Compostela continúa co seu baixón de resultados. Nesta ocasión, os nosos caeron por 4-0 contra o Cayón. Un duelo no que, na primeira metade, a efectividade foi decisiva. O Compos, no que volveron ter minutos os canteiráns Marco Baña e Gonzalo Landeira, gozou de boas oportunidades para marcar, pero non as materializou. Mentres tanto, nas súas dúas opcións, os locais asestaron dous duros golpes a un cadro branquiazul malferido. E, na segunda parte, sentenciaron.
Tras semanas sen poder sumar nin marcar, o Compos agarda poder levantarse da lona este próximo domingo, 31 de marzo, contra o Guijuelo. Con Antón Permuy no banco, os branquiazuis confían en romper coa súa mala dinámica e volver sumar de tres.
FICHA TÉCNICA
4 – CD CAYÓN: Rafa Pedrero; Riki, Gabi, Álvaro Mier, Hitoshi (Saúl Martínez, m.85), Alvarito; David Sanz, Turrado; Jesús Villar (Marcos, m.76), Edu Martínez (Héctor, m.68) e Dani Salas (Larrucea, m.85).
0 – SD COMPOSTELA: Pato Guillén; Jaime Santos, Roque, Álvaro Casas, David Soto, Escoruela (Manu Ramírez, m.74); Pablo Antas (Antón de Vicente, m.82), Baña (Samu, m.65); Parapar (Hugo Matos, m.65), Juampa (Landeira, m.74) e Manu Barreiro.
GOLES: 1-0: Dani Salas, min.25; 2-0: Jesús Villar, min.40; 3-0: Riki, min.62; 4-0: Larrucea, min.90+2.
ÁRBITRO: Urizar Díaz (País Vasco). Expulsou a Turrado (m.66), do Cayón, por doble amarela. Ademais, amoestou a David Sanz e Hitoshi, polo Cayón; e a Juampa, polo Compos.
INCIDENCIAS: Estadio Fernando Astobiza (Cayón). Xornada 28 do Grupo 1 da Segunda RFEF.
