-
O interior dereito valenciano Fer Cano chega do Tarazona, de Primera RFEF, e firma por 1 tempada
Santiago de Compostela, 8 de agosto de 2024
Fernando Cano Alcantarilla (Valencia, 14/02/95), máis coñecido como Fer Cano, é novo xogador da SD Compostela para a Tempada 2024/25. O mediapunta de 29 anos chega desde o Tarazona, de Primera RFEF, para reforzar o ataque branquiazul. Firma por 1 tempada.
Fer Cano é un interior dereito que destaca pola súa capacidade para o último pase. Un futbolista, que tamén pode actuar como enganche, que aportará calidade e visión de xogo ao ataque do Compos, ademais da súa ampla experiencia na Segunda División B.
Estas características adáptanse á perfección ao perfil que estaba buscando a dirección deportiva da SD Compostela para reforzar a zona ofensiva do equipo, polo que decidiu afrontar a súa fichaje.
Fer Cano chega a Santiago tras un ano con moito protagonismo no Tarazona, co que xogou 30 partidos, entre liga e Copa do Rei, nos que ademais anotou 3 goles.
O novo futbolista da SD Compostela formouse nas categorías inferiores do Valencia CF, permanecendo no seu filial 3 tempadas, desde o que deu o salto ao RCD Mallorca, onde alternou o filial co primeiro equipo, acadando un ascenso á Segunda División.
A tempada 2018-19 incorporouse á disciplina do Lleida Esportiu de 2ªB, onde permanecería 3 campañas, a última delas anotando 6 tantos. Pechada esa etapa, na 21/22 firmaría na UD Logroñés, de Primera Federación, pasando o curso siguiente polo Calahorra, tamén de 1ª RFEF, e o Melilla, de Segunda RFEF.
Fer Cano chega a Compostela con moita ilusión e moitas gañas de demostrar o seu extraordinario nivel no Vero Boquete. E para iso, incorporarase xa á pretempada.
¡Benvido, Fer Cano!
