-
Dous goles na segunda metade deciden o derbi en Riazor contra o Fabril
A Coruña, 14 de setembro de 2024
O Compos non puido sacar nada positivo da súa visita a Riazor. Os nosos caeron por 2-0 contra o Deportivo Fabril, nun duelo que se decidiu no segundo acto, no que chegaron os goles.
Os tantos de Aarón, no 57, e Kevin, no 74, marcaron o devir dun derbi disputado en Riazor, no que o Compos tivo as súas mellores opcións nas botas de Hugo Matos, con senllas ocasións no comezo de cada período. Na primeira, Alberto sacoulle o gol cun paradón e, na segunda, escapóuselle unha volea por escasos centímetros.
Cun punto de nove posibles, os nosos tentarán levantar cabeza o vindeiro domingo, no Vero Boquete, contra o Langreo, nun partido que está programado para as 12.00 horas.
FICHA TÉCNICA
2 – RCD FABRIL: Alberto; Quique Teijo (Pablo García, m. 70), Aarón, Marotías, Íker Vidal; Alfaro, Jaime Garrido, Hugo Villaverde (Kevin Sánchez, m. 57); Guerrero (Mardones, m. 70), Luisao (Noé, m. 80) e Darío Germil (Nsongo Bil, m. 80)
0 – SD COMPOSTELA: J. Rabanillo; Santi de Prado, Roque, Pablo Crespo (Kike, m. 65), David Soto, Ocaña (Manu Rivas, m. 65); Samu, Pablo Antas (Álvaro Casas, m. 65); Fer Cano, Hugo Matos (Giuliano, m. 55) e Landeira (Óscar Gil, m. 65).
GOLES: 1-0: Aarón, min.57; 2-0: Kevin, min74.
ÁRBITRO: Gómez Lameiro (Galicia). Expulsou a David Soto por dobre amarela (m. 26 e m. 78). Ademais, amoestou a Alfaro e Nsongo Bil, polo Fabril; e a Fer Cano, polo Compos.
INCIDENCIAS: Estadio Municipal de Riazor (A Coruña). Xornada 3 de Liga do Grupo 1 da Segunda RFEF disputado ante uns 1.500 espectadores.
