-
O Compos levantou un 0-2 cos goles de Giuliano e Manu Rivas
Santiago de Compostela, 8 de setembro de 2024
Un punto que deixa un gran sabor de boca. O Compos estreou a súa marcadora de puntos igualando contra o Pontevedra un derbi que se lle puxo moi costa arriba na primeira metade. Dous goles na recta final, de Giuliano e Manu Rivas, puxeron o 2-2 final e levaron a tolemia á bancada.
A SD Compostela conseguiu o punto sobrepóndose aos tantos iniciais de Dalisson e Rufo, no primeiro cuarto de hora. Custoulle aos nosos, que tamén tiveron varias lesións durante o choque, pero repuxéronse cunha gran recta final.
Primeiro, no 74, Giuliano recibiu de Santi de Prado, recortou ao seu par e enganou a Edu cun disparo a contrapé. E no 94, xa xogando con dez pola lesión de Giuliano, Manu Rivas logrou o empate empalando con toda a súa alma a deixada de Fer Cano.
Con este punto, os nosos encaran agora un novo derbi, esta vez como visitantes, contra o Fabril. O partido será o sábado ás 20.00 horas en Abegondo.
FICHA TÉCNICA
- SD COMPOSTELA: Rabanillo; De Prado, Roque, Pablo Crespo, David Soto, Ocaña (Manu Rivas, m.68); Samu (Álvaro Casas, m.75), Diego (Fer Cano, m.41); Óscar Gil (Hugo Matos, m.46), Giuliano e Manu Barreiro (Landeira, m.46).
- PONTEVEDRA: Edu Sousa; Garay, Churre, Mario Gómez; Chiqui (Cambil, m.82), Iago Novo (Xabi, m.68), Samu Mayo, Yelko Pino (Fontán, m.82), Álex González; Dalisson e Rufo (Charly, m.68).
GOLES: 0-1: Dalisson, min.9; 0-2: Rufo, min.16; 1-2: Giuliano, min.74; 2-2: Manu Rivas, min.90+4.
ÁRBITRO: Bouzas Laconti (Canario). Amoestou a Ocaña e Fer Cano, polo Compos; e a Samu Mayo, polo Pontevedra.
INCIDENCIAS: Estadio Verónica Boquete de San Lázaro (Santiago de Compostela). Xornada 2 do Grupo 1 da Segunda RFEF disputado ante 2.111 espectadores. Antes do partido gardouse un minuto de silencio en memoria de José María Caneda, expresidente do Compos; e de Ángel Espadas, pai do socio do Compos.
