-
O ‘Glorioso’ Alavés visitará o Vero Boquete a finais de outubro
Santiago de Compostela, 10 de outubro de 2024
A SD Compostela xa ten rival para a primeira eliminatoria da Copa do Rei: será o Deportivo Alavés. O conxunto babazorro, de Primeira División, visitará o Estadio Vero Boquete de San Lázaro a finais de outubro, nun partido para o recordo que aínda non ten nin data nin hora. Será o 29, 30 ou 31 de outubro.
Más de 20 anos despois, un conxunto da máxima categoría visitará o feudo compostelanista en partido oficial. Trala gran acollida que tivo a eliminatoria do pasado ano contra o Tenerife, na que os nosos rozaron a sorpresa (0-1), espérase de novo un gran ambiente nun partido para soñar.
Esta eliminatoria foi posible grazas á vía da Copa Federación, na que o Compos está en semifinais tras eliminar ao Sestao River. Precisamente, o emparellamento por un posto na final disputarase tamén na nosa casa, o vindeiro mércores 16 de outubro. O rival: a UD Poblense.
