-
-
O Raio Cantabria remontou o gol de Fer Cano para o Compos
-
Santiago de Compostela, 13 de outubro de 2024
O Compos volveu caer na liga. Os nosos perderon por 2-1 contra o Raio Cantabria nun partido no que os locais remontaron o tanto inicial de Fer Cano.
O mediapunta adiantou aos branquiazuis á media hora de xogo, aproveitando unha gran xogada pola dereita, na que Álvaro Casas puxo un servizo perfecto ao segundo pau para que Fer a remachase á rede.
Con todo, a alegría durou pouco, xa que Izan marcaría o empate nada máis sacar de centro. E na segunda metade, cando parecía que o marcador non se movería, o Raio Cantabria marcaba o segundo nun córner. Baldrich remataba no segundo pau á rede.
Toca levantarse deste novo mal resultado e para iso haberá que coller confianza na casa. Dous partidos haberá esta semana no Vero Boquete. O mércores, ás 20.00 horas, contra o Poblense; e o domingo, ás 12.00 horas, contra o Guijuelo.
FICHA TÉCNICA
RAIO CANTABRIA: A. Jiménez; Ángel, Entrecanales, Gomeza, Samu Calera (Isaac Obeng, min.59); Diego Díaz (Pablo Lomas, min.82), Dani González, Néstor (Marcos Fernández, min.59), Izan (Argos, min.82); Baldrich e Mario Fuente (Diego Fuentes, min.67).
SD COMPOSTELA: Rabanillo; Santi de Prado, Roque, Kike, David Soto, Ocaña; Álvaro Casas (Samu, min.85), Trasi (Selasi, min.71), Fer Cano (Landeira, min.85); Hugo Matos (Giuliano, min71) e Carlos Cinta (Manu Barreiro, min.64).
GOLES: 0-1: Fer Cano, min.31; 1-1: Izan, min.32; 2-1: Baldrich, min.78
ÁRBITRO: Rezola Etxeberria (Gipuzkoa). Amoestou a Néstor, polo Raio Cantabria; e a Kike, Manu Barreiro e Giuliano, polo Compos.
INCIDENCIAS: Campo Municipal de Fútbol A Planchada (Astillero). Xornada 7 do Grupo 1 da Segunda RFEF disputado ante uns 750 espectadores, aproximadamente.
