-
Pablo Porrúa, unha das grandes revelacións da categoría, firma por unha tempada
Santiago de Compostela, 3 de xullo de 2025
Talento e desequilibrio para o ataque da SD Compostela: Pablo Porrúa Magariños (16/10/1999) é novo xogador do Compos. O atacante de Bertamiráns, unha das grandes revelacións da categoría, chega ao Vero Boquete para facer diabluras coa súa zurda. Firma por unha tempada.
O novo futbolista branquiazul destaca pola súa calidade, o seu desborde e o seu bo golpeo de balón. Un xogador diferencial na categoría, cunha das mellores zurdas de toda a liga, que vén de render a un extraordinario nivel nas filas do Estradense.
No conxunto da Estrada, a pasada campaña, foi unha das pezas máis importantes do equipo nun ano histórico para o club, no que terminaron a liga segundos e quedaron a un paso do ascenso. Disputou 37 partidos, todos como titular, nos que marcou 7 goles.
Precisamente, no Estradense, Porrúa desenvolveu a parte principal da súa carreira deportiva, cun total de cinco tempadas, todas elas en Terceira División, divididas en dúas etapas. En total, sumou 137 encontros, e 13 goles, disputados coa camiseta rojilla.
Ademais, o novo futbolista do Compos tamén pasou polo filial do Club Deportivo Lugo, no seu primeiro ano como senior, así como polo Arousa, co que disputou 26 partidos en Segunda RFEF. Anteriormente, tamén debutara en Terceira, sendo cadete, co Bertamiráns, marcando un gol.
Co obxectivo de lograr o ascenso a Segunda RFEF, Porrúa chega ao Compos con moita ilusión e con moitas gañas de continuar demostrando o seu gran nivel.
Bienvenido, Porrúa!
