-
O Compos superou por 3-2 á Sarriana na última proba no Vero Boquete
Santiago de Compostela, 23 de agosto de 2025
A pretempada está a chegar ao seu fin e o Compos mellora sensacións. Os nosos conquistaron o IX Memorial Antonio Bermúdez tras superar por 3-2 á Sarriana, rival de categoría superior, no Vero Boquete.
Un encontro especial e emotivo, co que lembramos a figura do que foi directivo do Compos e un dos principais xornalistas deportivos da cidade.
Unha tarde que terminou da mellor maneira no aspecto deportivo, e é que na última proba da pretempada na casa, o Compos deixou moi boas sensacións.
Na primeira parte, e despois de que os lucenses se adiantasen no marcador, Quico puxo o empate, de cabeza, á saída dun córner.
Xa na segunda, cun once totalmente renovado, os nosos deron un paso adiante e adiantáronse no marcador cun tanto de Porrúa, tras un gran contragolpe. Empataría a Sarriana nun erro en saída de balón, pero, de novo Porrúa, selaría o 3-2, aproveitando o rexeite dun penalti, lanzado por Antón Guisande, que repelera o porteiro visitante.
Deste xeito, o Compos conquistou por terceira ocasión o Memorial Antonio Bermúdez.
FICHA TÉCNICA
3 – SD COMPOSTELA: A. Cobo (Graumann, min.46); Valín (Turby, min.71), Quico, Damián N. (Zuba, min.46), Aarón M. (Diego Rguez., min.46); Mateo (Trasi, min.46), Diego Uzal, Samu (Goris, min.46); A. Armental (Porrúa, min.46), J. Cañizares (A. Guisande, min.46) e Carlos López (Maceira, min.46).
2 – SD SARRIANA: Fernando; Sidney, Nacho, Maxi, Freire; Iago, Juv, Dmytro, William; Boedo e Edu. Tamén xogaron: Arona, Jacobo, Santi Gegunde, Martín, Iker, Noah, Guitián, Rai e Antón.
GOLES: 0-1: Boedo, min.10; 1-1: Quico, min.37; 2-1: Porrúa, min.54; 2-2: Guitián, min.80; 3-2: Porrúa, min.84.
ÁRBITRO: Raúl García (Santiago). Amoestou a Goris, polo Compos.
INCIDENCIAS: Estadio Vero Boquete de San Lázaro (Santiago de Compostela). IX Memorial Antonio Bermúdez.
