-
Scientiffic Nutrition, a marca española líder en suplementación deportiva acompañará ao Compos nesta tempada
Santiago de Compostela, 10 de setembro de 2025
Scientiffic Nutrition, novo provedor oficial do Compos para a Tempada 2025/26. A marca española líder en suplementación deportiva e a SD Compostela unen forzas, cun novo acordo de colaboración, para esta etapa na 3ª RFEF.
Grazas a esta alianza, os xogadores do Compos dispoñerán de suplementación deportiva de máxima calidade, deseñada para optimizar o rendemento, a resistencia e a recuperación, aspectos fundamentais para afrontar unha tempada esixente na 3ª RFEF.
Un respaldo dunha empresa 100% española que formula e produce en España, e que xa colabora con institucións deportivas de máximo nivel. Neste sentido, actualmente é suplemento oficial da Selección Española de Fútbol, ademais de equipos como o Real Betis Balompé, o RC Celta de Vigo ou o RCD Espanyol.
“O Compos é un club histórico do fútbol español, que deixou pegada na elite e que agora busca recuperar o lugar que merece. Estamos encantados de acompañalos neste novo camiño e de achegar as nosas solucións para axudar ao equipo a competir nas mellores condicións”, afirma Eduardo Varela, director de Marketing de Scientiffic Nutrition.
Este acordo une a tradición e a historia da SD Compostela coa innovación e calidade de Scientiffic Nutrition, consolidando un compromiso común coa excelencia deportiva.
