-
O central croata Zuba, que estivo a proba esta pretempada, formará parte do plantel nesta tempada 25/26
Santiago de Compostela, 11 de setembro de 2025
Tras superar o período de proba satisfactoriamente, Stipe Zubanovic “Zuba” (Split, 05/04/2004) é novo xogador da SD Compostela para esta Tempada 2025/26. O central croata apontoa a defensa do Compos, asinando ata final de campaña.
Aos seus 21 anos, e como se puido comprobar nos partidos amigables nos que participou, Zuba é un central mozo de gran envergadura, dado os seus 1,95 metros de altura. Un espigado defensor que goza tamén dunha boa saída de balón e capacidade para defender os espazos coa súa ampla zancada.
Formado na canteira do Hajduk Split croata, conta xa con experiencia en España, posto que o pasado ano estivo no filial do Sabadell, tamén na Terceira RFEF. Ademais, tamén xogou no Dekani da Segunda División de Eslovenia.
Durante esta pretempada, Zuba comezou a adestrar co equipo para mediados de agosto e gozou de minutos nos amigables contra o Lugo, Noia, Sarriana e Lalín, xogando unha parte en cada un deles, salvo en Noia, no que xogou os 90 minutos.
Coa ilusión e a ambición de demostrar as grandes calidades que atesoura, as cales lle permitiron destacar na canteira dun dos principais clubs de Croacia, agarda axudar ao equipo a acadar o obxectivo. Para iso, tras asinar o seu novo contrato, xa poderá ser da partida esta mesma fin de semana.
Benvido, Zuba!
