-
Un tanto de Mateo, na segunda metade, puxo a igualada no marcador
Santiago de Compostela, 28 de setembro de 2025
A SD Compostela sumou un punto máis en Liga na súa visita á Illa de Arousa. Os nosos empataron 1-1 contra o Céltiga, nun duelo igualado, cun gol por parte. A primeira igualada permite ao Compos chegar aos 10 puntos.
No duelo, os locais adiantáronse mediada a primeira parte, cun disparo de lonxe de Adrián que entrou pola escuadra, resultado co que se chegou ao descanso.
A pesar diso, o Compos reaccionou e na segunda parte, nada máis arrincar, logrou a igualada. Fíxoo desde o punto de penalti, no 49, grazas ao tanto de Mateo, quen provocara a pena máxima cunha falta que se estrelou na man dun rival.
Co empate, os nosos fóronse a pola vitoria, rozando o segundo tanto en varias accións a balón parado, pero esta vez a pelota non entrou.
Por iso, 1-1 final para seguir invictos, sumar xa 10 puntos e subir ao liderado en solitario. A próxima semana, novo partido na casa contra o Silva.
FICHA TÉCNICA
1 – CÉLTIGA FC: Manu Táboas; Santi Figueroa, Arnosi, Rubi Casas; Nico, Óscar, Julio Rey, Álex Rodríguez (Anxo, min.89); Marcos Blanco (Giráldez, min.66), Sobrido (Munín, min.82) e Adrián Rodríguez (Jordan, min.82).
1 – SD COMPOSTELA: Álex Cobo; Valín (Damián Noya, min.76), Quico, Pablo Crespo, Diego Rodríguez; Diego Uzal, Mateo (Trasi, min.84); A. Armental (Samu, min.76), Antón Guisande (Porrúa, min.76), J. Cañizares (Maceira, min.46); e Carlos López.
GOLES: 1-0: Adrián Rodríguez, min.36; 1-1: Mateo (p.), min.49.
ÁRBITRO: Amoestou a Rubi Casas e Álex Rodríguez, polo Céltiga; e a Pablo Crespo, Quico e Trasi, polo Compos.
INCIDENCIAS: Campo Salvador Otero (A Illa de Arousa). Xornada 4 do Grupo 1 da Terceira RFEF disputado ante uns 600 espectadores. Gran presenza de afeccionados do Compos, que se fixeron notar.
