-
Un gol de Pablo Crespo, no desconto, deulle o triunfo ao Compos por 2-1
Santiago de Compostela, 21 de setembro de 2025
Houbo que sufrir ao final, pero a vitoria volveu quedar na casa. O Compos sumou a súa terceira vitoria, noutros tantos partidos, tras superar por 2-1 ao Cambados. Un gol de Pablo Crespo, no desconto da segunda metade, selou o triunfo branquiazul no Vero Boquete.
A contenda decidiuse no tramo final aínda que, como nas dúas primeiras xornadas, os nosos se adiantaron no marcador nada máis arrincar. Esta vez foi no minuto 4, na estrea goleadora de Charly, quen soltou un chut potente desde a frontal ante o que nada puido facer o porteiro.
Con vantaxe, houbo claras ocasións para ampliar a renda, sobre todo nunha ocasión que Antón Guisande mandou ao limbo tras regatear ao porteiro. Con todo, pasada a hora de encontro, o Cambados conseguiu empatar cun gran golpeo de Diego Iglesias á escuadra.
Nese momento, o Compos, apoiado pola bancada, volveu apertar ao rival e acabou atopando o merecido premio. Foi a balón parado, nunha xogada na que Alberto Lago acabou expulsado e o noso Aarón Martínez cunha contusión que lle obrigou a saír do partido en padiola, aínda que consciente. Na falta, púxoa con música ao segundo pau Armental e aí emerxeu a cabeza de Pablo Crespo para mandala á rede. 2-1 e tolemia final.
Con 9 puntos de 9 posibles, os nosos seguen adiante na liga. O próximo reto, a visita ao Céltiga á Illa de Arousa.
FICHA TÉCNICA
2 – SD COMPOSTELA: Álex Cobo; Valín (Diego Rguez., min.65), Quico, Pablo Crespo, Damián N. (Aarón M., min.65); Samu (Goris, min.75), Diego Uzal; A. Armental, Antón Guisande , J. Cañizares (Parapar, min.65); e Carlos López (Maceira, min.78).
1 – CJ CAMBADOS: David Conde; Álex Fernández, Alberto Lago, Fran Álvarez, Tavares; André Piñeiro (Anxo Martínez, min.90+2), Seydou; Diego Hernández (Manuel Rancaño, min.78), Noel Chaves, Diego Iglesias (Nico Fernández, min.85); e Gregorio Santorum.
GOLES: 1-0: Carlos López, min.4; 1-1: Diego Iglesias, min.68; 2-1: Pablo Crespo, min.90+4.
ÁRBITRO: Beatriz Cuesta (A Coruña). Expulsou a Alberto Lago por dobre amarela (min.90+3). Ademais, amoestou a Quico e Pablo Crespo, polo Compos; e a Fran Álvarez, polo Cambados.
INCIDENCIAS: Estadio Verónica Boquete de San Lázaro (Santiago de Compostela). Xornada 3 do Grupo 1 da Terceira RFEF disputado ante 1.200 espectadores.
