-
O Compos igualou 1-1 en Arteixo, con gol de Maceira, nun duelo moi traballado
Arteixo, 22 de novembro de 2025
A SD Compostela sumou un novo punto na Liga e chega ao primeiro parón ligueiro no máis alto da táboa. 1-1 final, cun novo gol de Maceira, que permite aos nosos seguir no máis alto.
O duelo en Arteixo foi un choque moi igualado, no que a solidez defensiva levou ao Compos a atopar o premio. No 24, Maceira cazou un balón solto no bordo da área e mandouno á rede, unha xornada máis. O seu sexto gol xa no que vai de liga.
E puideron ser dous, porque pasada a media hora, tivo outra moi similar, tras deixada de Quico, pero a pelota escapouse rozando o pau. Por iso, chegouse ao descanso con 0-1.
Esa vantaxe mínima animou á escuadra local que, na segunda metade, atopou un gol nunha acción illada, no 65, obra de Otero.
De aí ao final, ambos tentárono, pero o marcador xa non se moveu. Repartición de puntos e o Compos que segue líder. Agora, tocará unha fin de semana sen fútbol pola disputa da Copa das Rexións pola Selección Galega e, á volta, partidazo no Vero Boquete contra o Arousa.
FICHA TÉCNICA
1 – Atlético Arteixo: Hevia; Moreta, Agulló, Chucas, Marcos Aller; Fabio (Pablo Naya, min.85), Queijeiro; Raúl Melo, Jota (Vivito, min.85), Iker (David Rojo, min.59); e Otero (Rubo, min.76).
1 – SD Compostela: Álex Cobo; Valín, Quico, Pablo Crespo, Damián Noya (Diego Rodríguez, min.65); Antón Guisande (Adrián Armental, min.73), Mateo, Diego Uzal, J. Cañizares (Parapar, min.65); Carlos López (Samu, min.73) e Maceira.
Goles: 0-1: Maceira, min.24; 1-1: Otero, min.65.
Árbitro: Marcos Padín (Ferrol). Amoestou a Damián Noya, polo Compos.
Incidencias: Campo Municipal Ponche dos Brozos (Arteixo). Xornada 12 de Liga do Grupo 1 da Terceira RFEF. Gran presenza de afeccionados de Santiago.
